Илсур Метшин: «Без — шәһәргә булган мәхәббәтебез берләштергән бердәм команда»
алга таба укырга-
Татарстанда 25 декабрьдән янгынга каршы махсус режим гамәлгә кертелә
-
Шәһәр башлыгы һәр чыршы шәһәрчегенә район хакимиятеннән җаваплы кешене беркетергә кушты
-
Казанда каникулларда 54 дежур бригада һәм 100 махсус техника эшлиячәк
-
Казан мэры: «Һәркем үзенең хәрби яктан тотрыклы булмаган вакытта яшәвен аңларга тиеш»
-
Казанда үзәк чыршы шәһәрчегенең өзлексез эшләвен дежур төркемнәр күзәтәчәк
-
Илсур Метшин: «Шәхси состав оператив эшләде һәм хезмәтен дәвам итәчәк»
-
Казан мэры торак йортларның подвалларында бөтен яшеренү урыннарын тиешле хәлгә китерергә таләп итте
-
Казан Мэры кушуы буенча Клара Цеткин урамындагы 31а йортның түбәсен һәм зыян күргән фатирларны ремонтлаячаклар
-
Илсур Метшин ПОА һөҗүменнән зыян күргән йортларда яшәүчеләр белән әңгәмә кушымталарында аралашу төркемнәре булдырырга тәкъдим итте
-
Казан мэры: «Безнең алда гадәттән тыш хәл нәтиҗәләрен мөмкин кадәр тизрәк бетерү бурычы тора»
-
Илсур Метшин – үзенчәлекле балалар аналарына: «Сезнең һәрберегез рәхмәт һәм соклану сүзләренә лаек»
-
90нан артык укучы, студент һәм аспирант Казан мэрының исемле стипендияләре белән бүләкләнде
ТР Президенты Казанда төзелеп килүче һәм торгызыла торган объектларны карап чыкты
Күчмә киңәшмәдә Илсур Метшин да катнашты.
(Казан шәһәре KZN.RU, 24-нче июль). Бүген Татарстан Республикасы Президенты Рөстәм Миңнеханов Казанда төзелеп килүче һәм торгызыла торган кайбер объектларны карап чыкты.
Беренче объект – Җиңү паркы (Ямашев проспекты һәм Бондаренко урамы киселеше), аның территориясендә масштаблы реконструкция бара. Исегезгә төшерәбез, бу мәйданчыкны реконструкцияләүгә республика бюджетыннан акчалар бүлеп бирелгән. Моннан тыш, шәһәр бюджетыннан акчалар һәм эшмәкәрләрнең һәм эре сәнәгать предприятиеләренең ирекле иганә акчалары кулланыла. Барлык эшләрне дә Бөек Ватан сугышында Җиңүнең 70 еллыгына төгәлләү планлаштырыла. Җиңү паркында мемориаль зонаны яңарту, монда бирелгән хәрби техниканы тиешле кыяфәткә китерү, тыл хезмәтчәннәренә һәйкәл кую (һәйкәл проектлар конкурсы йомгаклары буенча корылачак) күз алдында тотыла.
Паркны төзекләндерү планы өч этаптан тора, беренчесе –мемориаль зонаны реконструкцияләү. Шәһәр кешеләре өчен Җиңү паркында ачык һавада спорт мәйданчыклары, велосипед юллары, шулай ук балалар мәйданчыгы булдырырга тәкъдим ителә.
Җиңү пракы мәйданчыгында Рөстәм Миңнехановны Татарстан Республикасы Президентының социаль мәсьәләләр буенча ярдәмчесе Татьяна Ларионова, Татарстан Республикасы Президенты Аппараты Җитәкчесе Әсгать Сәфәров, Татарстан Республикасы төзелеш, архитектура һәм ТКХ министры Ирек Фәйзуллин, Казан мэры Илсур Метшин һәм башкалар озата йөрде.
Икенче объект – Декабристлар урамындагы административ бина төзелеше мәйданчыгы.
Аннары Рөстәм Миңнеханов Арбитраж судның (Ново-Песочная ур.) яңа бинасын төзүнең барышы белән танышты. Бина җиде катлы булачак, проект авторы – «Татинвестгражданпроект» ДУП, генераль подрядчысы – «Казан» ҖТБ.
Татарстан Президенты һәм аны озата йөрүче затлар шулай ук Яшьләрне спорт-патриотик һәм армиягә чакырылганчы әзерләү үзәгендә (Мәүлетов ур., 5) булдылар. Хәзер монда төзелеш-ремонт эшләре алып барыла. Бу учреждение базасында инглиз һәм башка телләр өйрәтелә һәм инновацион технологияләр кулланыла торган халыкара мәктәп ачу күз алдында тотыла (19-нчы гимназия филиалы), дип хәбәр итә ТР Президенты сайты.