Илсур Метшин: «Без — шәһәргә булган мәхәббәтебез берләштергән бердәм команда»
алга таба укырга-
Татарстанда 25 декабрьдән янгынга каршы махсус режим гамәлгә кертелә
-
Шәһәр башлыгы һәр чыршы шәһәрчегенә район хакимиятеннән җаваплы кешене беркетергә кушты
-
Казанда каникулларда 54 дежур бригада һәм 100 махсус техника эшлиячәк
-
Казан мэры: «Һәркем үзенең хәрби яктан тотрыклы булмаган вакытта яшәвен аңларга тиеш»
-
Казанда үзәк чыршы шәһәрчегенең өзлексез эшләвен дежур төркемнәр күзәтәчәк
-
Илсур Метшин: «Шәхси состав оператив эшләде һәм хезмәтен дәвам итәчәк»
-
Казан мэры торак йортларның подвалларында бөтен яшеренү урыннарын тиешле хәлгә китерергә таләп итте
-
Казан Мэры кушуы буенча Клара Цеткин урамындагы 31а йортның түбәсен һәм зыян күргән фатирларны ремонтлаячаклар
-
Илсур Метшин ПОА һөҗүменнән зыян күргән йортларда яшәүчеләр белән әңгәмә кушымталарында аралашу төркемнәре булдырырга тәкъдим итте
-
Казан мэры: «Безнең алда гадәттән тыш хәл нәтиҗәләрен мөмкин кадәр тизрәк бетерү бурычы тора»
-
Илсур Метшин – үзенчәлекле балалар аналарына: «Сезнең һәрберегез рәхмәт һәм соклану сүзләренә лаек»
-
90нан артык укучы, студент һәм аспирант Казан мэрының исемле стипендияләре белән бүләкләнде
Сынау режимында data.kzn.ru порталы эшли башлады
Портал ачык мәгълүматлар өлкәсендә бердәм технологик сәясәтне формалаштыру һәм тормышка ашыру һәм бастырылган ачык мәгълүматлар нигезендә яңа коммерцияле һәм коммерцияле булмаган сервислар булдыру максаты белән булдырылган.
(Казан шәһәре KZN.RU, 21-нче июль). Ачык мәгълүматлар проектын тормышка ашыру кысаларында Казанда сынау режимында data.kzn.ru порталы үз эшен башлап җибәрде. Сервис кулланучылары биредә торак-коммуналь хуҗалык, кулланучылар базары һәм хезмәтләре, телекоммуникацияләр, социаль хезмәт күрсәтү, төзекләндерү, тышкы реклама һәм мәгълүмат урнаштыруга кагылышлы мәгълүматларны таба алачаклар.Якын арада порталга пассажир транспортының трекер мәгълүматлары урнаштырылачак. Бу хакта бүгенге эшлекле дүшәмбе вакытында Мэрның IT үсеше мәсьәләләре буенча киңәшчесе Дмитрий Еремеев җиткерде.
Аның сүзләренә караганда, портал ачык мәгълүматлар өлкәсендә бердәм технологик сәясәтне формалаштыру һәм тормышка ашыру һәм бастырылган ачык мәгълүматлар нигезендә яңа коммерцияле һәм коммерцияле булмаган сервислар булдыру максаты белән булдырылган. data.kzn.ru порталы ачык мәгүлүматларны формалаштыру, бастыру һәм куллану буенча киң җәмәгатьчелек белән хезмәттәшлек өчен мәйданчык булыр дип планлаштырыла, шул исәптән мәгълүматларга ихтыяҗлылык һәм сыйфат ягыннан элемтәгә чыгуны да булдыру күздә тотыла.
Дмитрий Еремеев эшмәкәрләрне һәм кулланучыларны порталның функциясен эшләүдә катнашырга чакырды. “Әлеге проект “приложение” эшләүчеләр һәм ачык мәгълүматларны киләчәктә кулланырга теләүчеләр өчен ачык. Мин ышанып калам, аларның тәкъдимнәре һәм төзәтмәләре максималь рәвештә мәгълүматлар бирә торган уңайлы интерфейс эшләргә, чыннан да аны файдалы мәгълүматлар белән тулыландырырга һәм актуальлеген тәэмин итәргә мөмкинлек тудырачак”, - диде Дмитрий Еремеев.
Ачык мәгълүматлар порталын эшләү белән беррәттән Казан Мэриясенең kzn.ru рәсми порталының яңа версиясе өстендә эш алып барыла, бу исә гражданнар һәм шәһәр хакимияте органнары һәм муниципалитет структуралары арасындагы хезмәттәшлекне тагы да җайлырак итәргә булышачак.