Пушкин урамы күренешен күп санлы реклама боза Хәбәрләр

Яңа Савин районындагы буш бинада Кикбоксинг үзәге ачылачак

Илсур Метшин объектта төзекләндерү эшләре барышын тикшерде

И.Метшин: «Биналарның тышкы күренешен яхшырту белән беррәттән, йортларда яшәүчеләрнең нәтиҗәдән канәгать калуына ирешү мөһим»
И.Метшин: «Без мондый күләмдәге үсентеләрне беренче тапкыр әзерлибез»
Илсур Метшин кар эретү станцияләре эше турында: «Проект куәтеннән 4 тапкырга күбрәк эшләделәр»
И.Метшин: «Йортыгызда һәрвакыт тынычлык һәм иминлек булсын, күңелләрегез яхшылыкка омтылсын»
И.Метшин: «2026 ел, Казан өчен һәм сезнең барыгызга да, уртак файдага хезмәт итәчәк яңа мөмкинлекләр ачсын, уңышларга ирешергә ярдәм итсен»
Казанда кече һәм урта эшмәкәрлек субъектлары саны 85 меңнән артып китте
Казанда 10 айда сәнәгать җитештерүе индексы 101,7 процентны тәшкил иткән
Илсур Метшин йомгаклау матбугат конференциясендә Җәмигъ мәчете төзелеше, самокатларны куллануны җайга салу турында сөйләде
Татарстан рәисе һәм Казан мэры «Әкият» курчак театры янындагы паркта Яңа ел чыршысын ачу тантанасында һәм ярминкәдә булдылар
И.Метшин демография һәм төзелеш турында: «Без 1 миллион 300 мең кешедән артып киттек һәм 1 миллион 300 мең кв.метрдан артык торак төзедек»
Рөстәм Миңнеханов һәм Илсур Метшин Казанның зооботаника бакчасында булдылар
И.Метшин: «Ил президентының динара тынычлык урыны буларак Татарстан турында сүзләре горурлык хисе уятты»

(KZN.RU, 1-нче ноябрь). Казанның Пушкин урамындагы биналар торышы Татарстан башкаласы статусына тәңгәл килергә тиеш. Бу хакта шәһәр Мэры Илсур Метшин Казанның тарихи үзәген саклап калу һәм үстерү комиссиясенең утырышында шулай дип белдерде.

Шәһәр башлыгыннан кала утырышта Казан Башкарма комитеты Җитәкчесе Алексей Песошин, аның беренче урынбасары Рөстәм Нигъмәтуллин, урынбасары Руслан Шакиров, Башкарма комитетның структур бүлекчәләре җитәкчеләре, шулай ук Пушкин урамы буенча урнашкан бина хуҗалары катнашты.

Торак йортлар белән җиңелрәк – кирәк булганнарына капиталь ремонт үткәреләчәк. Әлеге йортлар план эшләре исемлегенә кертелгән инде. Коммерция максатларында файдаланылган йортлар белән исә авыррак. Руслан Шакиров үз чыгышында милекчеләргә карата йортларның тышкы күренешенә зыян китергән төп претензияләр арасында биналарның яктыртылмавы, фасадларда вентиляция системасы һәм рөхсәт ителмәгән реклама булуын билгеләде.

Реклама баннерларын уңышсыз файдалану үрнәге итеп Руслан Шакиров Пушкин урамы буенча 12 һәм 29а йорт биналарын китерде мисалга. Р.Шакиров сүзләренә краганда, 29а йорт иң проблемалы биналарның берсе. Биредә “DNS” компьютер техникасы кибете, “Связной” кибете, “Альфа-банк” офис бинасы, кафе урнашкан. Барысының да рекламаларын урнаштыру сәбәпле, бина фасады күренми диярлек.

Пушкин урамындагы 12 йорт белән шундый ук хәл. “Тышкы реклама идарәсе мондый реклама урнаштыруга рөхсәтне ни сәбәпле бирә?”, - дип мөрәҗәгать итте Илсур Метшин идарә җитәкчесе Ирина Дябилкинага.

Шундый ук сораулар Пушкин урамы буенча 17 һәм 27 йорт биналары хуҗаларына бирелде. Монда да реклама фасадның шактый өлешен алып тора.

Баннерлар белән Пушкин урамындагы 2 йорт – элеккеге “Балалар дөньясы” кибете бинасы капланган. Әмма монда проблема башкада – бина банкротка әйләнгән Мәскәү компаниясе милкендә. “Яңа милекчеләр эзләргә кирәк. Объектның инвестиция ягыннан кызыклы итү өчен барысын да, җир биләмәсен киңәйтүгә кадәр эшләргә әзербез”, – дип билгеләде Мэр.

Комиссия утырышына килгән биналар хуҗалары кимчелекләрне 2012 ел ахыры – 2013 ел башына бетерергә вәгъдә иттеләр. “Проблемаларны эш тәртибендә хәл итәчәкбез, ә эшне исә диалог формасында төзибез. Ремонт таләп ителгән җирләрдә аны сыйфатлы башкару мөһим. Тиздән безне халыкара дәрәҗәдәге вакыйгалар көтүен аңларга кирәк. Пушкин урамы – Казанның йөрәге. Ул Татарстан башкаласы югары статусына ия булырга тиеш”, – дип нәтиҗә ясады Илсур Метшин.