Илсур Метшин Берләшкән Гарәп Әмирлекләренең әйдәп баручы университеты ректоры доктор Хәлифә Мөбарәк әз-Заһири белән очрашты Хәбәрләр

И.Метшин: «Сайлаулар тыныч, оешкан төстә узды, тәртипсезлекләр күзәтелмәде»

Казанда Россия Федерациясе Дәүләт Думасына депутатлар сайлау өчен якынча 63,5% кеше тавыш бирергә килгән

И.Метшин: «Төзекләндерүдән соң чын халыкныкына әйләнгән җәмәгать киңлекләре яңарту эшләренең юкка гына башкарылмау күрсәткече булып тора»
Казанда «Милләтләр кроссы» ике мәйданчыкта уздырыла
Казан мэры зооботаника бакчасын тулыландыру турында: «Болар бар да башкалабызның туристларны җәлеп итүчәнлеген арттыру максатыннан эшләнә»
Рөстәм Миңнеханов һәм Илсур Метшин «Казан» гаилә үзәге янындагы зур бәйрәмнең кунаклары булды
Татарстан рәисе һәм Казан мэры «Казан» гаилә үзәге янында «Яшьләр вакыты» фестивалендә булды
Илсур Метшин Россия Дәүләт Думасына депутатларны сайлауда тавыш бирде
Һөнәри бәйрәм алдыннан Казанда Укытучыга һәйкәл ачтылар
Казанга Намибиядән сигез жираф алып кайттылар
Рөстәм Миңнеханов һәм Илсур Метшин «Ярдәм» инклюзия үзәген ачтылар
И.Метшин: «Сез яшь буын өчен кешеләр күңелендә тирән һәм күркәм эз калдыру үрнәге булып торасыз»
Илсур Метшин: «Лагерьда яхшы ял өчен барысы да бар: монда заманча биналар, спорт киңлеге, мәдәни үзәк, бик матур ашханә»
«Аксёнов-фест» халыкара дәрәҗәдәге кунакларны җыя: Казанга Сергей Шаргунов, Алексей Федорченко һәм Ив Готье киләчәк

Бүген шәһәр Башкарма комитетында Казан мэры Илсур Метшин Берләшкән Гарәп Әмирлекләренең Гуманитар фәннәр университеты ректоры доктор Хәлифә Мөбарәк әз-Заһири белән очрашты. Очрашуда шулай ук Россия ислам институты ректоры Рәфыйк Мөхәммәтшин катнашты. Яклар илләр арасындагы хезмәттәшлек һәм 2026 елда, Казан рәсми рәвештә Ислам дөньясының мәдәни башкаласы статусын алгач, Татарстан башкаласында узачак чаралар хакында фикер алыштылар.

Исегезгә төшерәбез, Казанга әлеге югары статусны бирү турындагы карар 2025 елның февралендә Согуд Гарәбстанының Җиддә шәһәрендә Ислам Хезмәттәшлеге Оешмасы (ИХО) илләренең мәдәният министрлары катнашында узган конференциядә кабул ителгән иде. Казан Ислам хезмәттәшлеге оешмасы әгъза-илләренең географик чикләреннән читтә урнашкан әлеге титулга лаек беренче шәһәр булачак.

Очрашуда Илсур Метшин Ислам дөньясының мәдәни башкаласы статусына ия булуның дөньяга Татарстан һәм Россиянең бай мәдәни мирасын, шулай ук төрле мәдәниятләр һәм диннәрнең үзара дус-тату яшәвен күрсәтү мөмкинлеге икәнлеген ассызыклады.

Доктор Хәлифә Мөбарәк әз-Заһири, динара һәм милләтара багланышларның үзенчәлекле тәҗрибәсе аркасында, Казанның мәшһүр мәдәни башкала булачагына ышаныч белдерде.

Яклар билгеләп үткәнчә, Россия һәм Берләшкән Гарәп Әмирлекләре арасындагы мөнәсәбәтләр, халыкара вәзгыятькә карамастан, төрле юнәлешләр буенча уңай якка үзгәрә.

Гуманитар фәннәр университеты Берләшкән Гарәп Әмирлекләренең хәзерге президенты Мөхәммәд бән Зәйед әл-Нахайян исемен йөртә. Университет төбәктә ислам мәгарифен үстерүдә мөһим партнер булып тора.

Очрашуда яклар гуманитар һәм көнчыгышны өйрәнү фәннәренә аерым басым ясап, хезмәттәшлек турында элек имзаланган меморандумнарны киңәйтү мөмкинлеге турында фикер алыштылар. Аерым алганда, Россия ислам институты һәм Гуманитар фәннәр университеты арасында уңышлы хезмәттәшлек урнаштырылган, анда илебездән ун студент белем ала. Яклар бу санны арттыру турында килештеләр. Шулай ук Казанның аерым мәктәпләрендә гарәп телен укыту мәсьәләсе дә каралачак.

Исегезгә төшерәбез, бу елның июль аенда Илсур Метшин Әмирлек эшмәкәре Шәех Солтан бән Хәлифа Әл Нахайян белән очрашкан иде. Ул вакытта Татарстан Президенты Рөстәм Миңнеханов Россия белән Берләшкән Гарәп Әмирлекләре арасында икътисади һәм мәдәни-гуманитар өлкәләрдәге хезмәттәшлекнең актив үсүен билгеләп үтте.