Илсур Метшин “Медиалогия” версиясе буенча Идел буе федераль округы башкалалары җитәкчеләренең рейтингында янә беренче урында

(Казан шәһәре KZN.RU, 20-нче август). “Медиалогия” мәгълүмати-аналитик системасы Идел буе федераль округы субъектлары башкалалары җитәкчеләренең 2015 елның июль ае өчен чираттагы рейтингын әзерләгән.

Ай нәтиҗәләре буенча Казан Мэры Илсур Метшин медиарейтингта беренчелекне саклап калган. Илсур Метшинның медиаиндексы федераль һәм республика ММЧ анализы нәтиҗәләре буенча 3838,25 пунктны тәшкил иткән. Исегезгә төшерәбез, Илсур Метшин инде берничә ай рәттән медиарейтингта беренчелекне саклап килә.

Илсур Метшинның медиаиндексына массакүләм мәгълүмат чараларында ТР башкаласы җитәкчесе катнашлыгында узган вакыйгалар турында чыккан мәгълүматлар йогынты ясаган. Аерым алганда, Казан Мэры Спортның су төрләре буенча XVI ФИНА дөнья чемпионатының спорт объектларының – “Казан-Арена” стадионы, су полосы өчен арена, шулай ук ФИНА паркының әзерлеген берничә тапкыр тикшерде.

Июль ае рейтингының икенче урынында Түбән Новгород Мэры Олег Сорокин (1801,23 пункт), өченчедә – Саратов мэры Олег Грищенко (1405,6), дип хәбәр ителә “Медиалогия” компаниясе сайтында.