Илсур Метшин – үзенчәлекле балалар аналарына: «Сезнең һәрберегез рәхмәт һәм соклану сүзләренә лаек»

Очрашу Илсур Метшин ярдәме белән ачылган «Барысы да балалар өчен» инклюзив үзәгендә узды. Сөйләшү вакытында катнашучылар шәһәр яны киңлеген булдыруда ярдәм итүләрен, аларны Казан мэриясенең өйрәтү чараларына һәм форумнарына чакыруларын, шулай ук «Үзенчәлекле хатын-кыз» конкурсын бөтен Россиягә киңәйтүләрен сорадылар. Мэр сәламәтлек мөмкинлекләре чикләнгән балаларның әниләре бергәлегенә ярдәм күрсәтергә вәгъдә итте, хәзер анда 500гә якын кеше исәпләнә, шулай ук үзәк җитәкчесе Далия Гайнановага 100 мең сумлык сертификат тапшырды.

Чараны ачып, мэр Илсур Метшин Казан шәһәре Думасы депутаты, «Барысы да балалар өчен» үзәге җитәкчесе Далия Гайнановага очрашуны оештырган өчен, ә ата-аналарга анда катнашкан өчен рәхмәт белдерде. Чарада 30 га якын хатын-кыз катнашты.

«Мин безнең беренче очрашуыбызны хәтерлим, әмма хис кичерешләре авыр иде. Син шәһәр башлыгы булып эшләгәндә, бөтен ил өчен кешеләр алдында җавап бирәсең. Бүген без тагын нәрсә эшләргә кирәклеге турында сөйләшәчәкбез», – дип мөрәҗәгать итте шәһәр башлыгы. Үз чиратында әниләр мэрга ярдәмнәре өчен рәхмәт белдерделәр.

Очрашу узган ел ачылган «Барысы да балалар өчен» үзәгендә узды. Киңлектә бергә эшләү, балалар бүлмәсе, психолог кабинеты һәм тегү цехы җиһазландырылган. Биредә әниләр аралаша һәм эшли, балаларын белгечләр карамагында калдыра, мастер-классларда катнаша, шулай ук юридик яки психологик ярдәм ала – болар барысы да аларга эчтән үзгәрергә ярдәм итә. «Без аналарның нәрсә белән шөгыльләнергә теләвен, аның кызыксынулары һәм хыяллары нинди булуын беләбез һәм моны тормышка ашырырга тырышабыз. Иң мөһиме – ананың фикерен сораучы позициясеннән үз тормышы өчен җаваплы кеше позициясенә үзгәртү», – дип сөйләде Далия Гайнанова.

БЦП диагнозы куелган игезәкләрне тәрбияләүче аналар клубында катнашучыларның берсе Кристина Рассыпнинская мэрга үзәк ярдәмендә хыялын тормышка ашыруы турында сөйләде. Казанда яшәүче хатын балаларын ялгыз тәрбияли, шуңа күрә аңа эшен калдырырга туры килгән. Еллар узган саен ул үзенең хатын-кыз буларак мөһим ихтыяҗларының тормышка ашмыйча калуын аңлаган. Кристина Рассыпнинская үзәккә мөрәҗәгать иткән һәм биредә биюләр алып бара башлаган. Ул БЦП белән авыручы балалар өчен балалар бакчасы ачарга хыяллануы турында сөйләгән, анда мәктәпкәчә белем алу һәм тернәкләнү узарга мөмкин булыр иде. Клуб аны бу карарда хуплады һәм соңрак хатын балалар бакчасы ачты, хәзер шунда 16 кеше йөри. «Үзгәрешләр без монда килгәч башланды. Психологлар белән эшләү – зур күтәрелеш, депрессиядә яшәп берни дә эшләп булмый», – диде ул һәм мэрга уңайлы мохит өчен рәхмәт белдерде. Аның сүзләренчә, Казанда бөтен җирдә коляска белән узарга була, ә башка шәһәрләргә барганда хатын-кыз шушы проблема белән очрашкан.

Хәзер аналар клубында 500 кеше исәпләнә, шуларның 40ы чараларда актив катнаша. Далия Гайнанова алар клубы өчен шәһәр читендә, шул исәптән гаилә очрашулары өчен дә, киңлек булдыруда ярдәм итүләрен сорады. Шәһәр башлыгы идеяне бәяләде – проект киләчәктә гамәлгә ашырылачак. Ул күп вакытны алачак, шуңа күрә мэр шәһәр читендәге муниципаль лагерьлар инфраструктурасын бергәлектә катнашучылар очрашулары өчен вакытлыча файдаланырга тәкъдим итте. Беренче чараларны февраль-мартта үткәрергә мөмкин булачак. Ә башка шәһәрләрдән килергә теләгән әти-әниләргә бу эштә ярдәм күрсәтәчәкләр.

«Үзенчәлекле хатын-кыз» конкурсында катнашучы 54 яшьлек Алена Кәримова инвалид яшүсмерне ялгызы тәрбияли. Ул элек аның җиһаз җитештерүен, әмма эшне калдырырга туры килүен сөйләде. «Мин үземнең шулкадәр көчем юклыгын һәм нәрсәнедер үзгәртергә кирәклеген аңлый идем», — дип уртаклашты Алена Кәримова. Озакламый ул үзәк турында белгән һәм аңа мөрәҗәгать иткән. Аның сүзләренчә, үзәккә мөрәҗәгать итү ярдәмендә ул үзен аңлый алган, үз ихтыяҗларына күбрәк игътибар бирә башлаган – нәтиҗәдә аны «Үзенчәлекле хатын-кыз» конкурсында билгеләп үткәннәр.

Әлеге ярышның оештыручысы һәм инициаторы — Далия Гайнанова. Ул мэрдан конкурсны бөтен Россиягә киңәйтү өчен ярдәм сорады, әмма ул Казанда узарга тиеш дигән шарт белән. Исегезгә төшерәбез, быел ярышларда катнашу өчен 35 анадан гариза килгән иде. Финалга 22 катнашучы үтте, ә Казанны 14 хатын-кыз тәкъдим итте.

Хатын-кызлардан тагын бер үтенеч — сәламәтлек үзнечәлекләре чикләнгән балаларның әниләрен Казан мэриясе уздыра торган форумнарга һәм өйрәтү чараларына чакыру. Депутат сүзләренчә, хәзер хатын-кызларның үсешкә ихтыяҗы бар. Мэр клубка бу мәсьәләдә ярдәм күрсәтергә вәгъдә итте: «Made in Kazan проекты бар – без аңа бизнесменнарны, лидерларны, яшьләрне һәм иң яхшы белгечләрне чакырабыз. Киләсе форум яз көне узачак. Әйдәгез секцияләрнең берсен инклюзив итик. Теләге булган һәркем карый алсын өчен ачык керү һәм туры тапшыру оештырачакбыз». Ул катнашучылар белән бергә очрашырга һәм кызыксындырган сорауларны бирергә мөмкинлек булсын өчен нинди илһамландыручы докладчыларны һәм белгечләрне чакырырга кирәклеге турында уйларга сорады.

Очрашуны тәмамлап, Илсур Метшин хатын-кызларны якынлашып килүче Яңа ел белән котлады һәм аларга уңышлар теләде: «Бүген мин сезнең һәрберегездән бик илһамландыргыч тарихлар ишеттем. Мин шундый искиткеч хатын-кызлар булган шәһәр белән җитәкчелек итүем белән горурланам. Сезнең һәрберегез рәхмәт һәм соклану сүзләренә лаек». 

Исегезгә төшерәбез, инвалидлар декадасы алдыннан Илсур Метшин сәламәтлек мөмкинлекләре чикләнгән балаларны тәрбияләүче гаиләләр белән очрашты. Ата-аналар хәйрия оешмасының музыкаль кабинетын җиһазландыруда, балаларның аутистик спектрның бозылуы белән очрашуларының яңа форматын кертүдә һәм тернәкләндерү үзәге җиһазларына техник документлаштыруны эшләү өчен белгеч эзләүдә ярдәм сорадылар. Шәһәр башлыгы инициативаларны хуплады.