И.Метшин: "Казан акыл, талантларга саекмый һәм шәһәр файдасына алга таба эшләргә рухландыра"

(Казан шәһәре KZN.RU, 25-нче декабрь, Алена Мирошниченко). Бүген шәһәр Ратушасында 2018 ел нәтиҗәләре буенча Казан Мэрының исемле стипендияләрен тапшыру тантанасы узды. Шәһәр башлыгы Илсур Метшин Татарстан башкаласы яшьләренең 68 талантлы һәм перспективалы вәкилләренә истәлекле дипломнар тапшырды. Шәһәр музыка һәм сәнгать мәктәпләренең 30 укучысы исемле стипендияләр алды.

"Бүген бу залда шәһәребезнең интеллектуаль элитасы җыелды. Мин сезне яшь булуыгызга карамастан, шулай дип атыйм һәм иң зур казанышларыгызның әле алда булуына ышанам. Сез инде зур уңышларга ирештегез, һәркем үз урынында, һәм үзенең уникальлеген ачык игълан итте. Шуңа күрә мин бәйгедә катнашучыларның Казан Мэрының исемле стипендиясен алуларына зур дулкынлану белән карыйм", - дип мөрәҗәгать итте җыелучыларга шәһәр башлыгы.

Быел стипендия алу өчен 221 гариза бирелгән. Аларның 71-е экспертлар комиссиясе әгъзалары алдында үз проектларын ике секциядә якларга тиеш булган икенче этапка узды: социаль-гуманитар, техник һәм табигый-фәнни. 38 кеше җиңүче булды: 16 аспирант 30 мең сум күләмендә стипендия алды, югары уку йортларының 20 студенты 20-шәр мең сум күләмендә һәм 2 көллият  студенты 10 мең сум стипендия белән бүләкләнгән.

"Стипендия бирү - ул казанышларны тану гына түгел, бу безнең ышаныч кредиты, ул бездән җиңүчеләрне сайлап алуда югары җаваплылык таләп итә. Шуңа күрә бәйгенең яңа катнашучылары белән ел саен танышу шәһәребез киләчәгенә ышанычымны раслый. Мин Казанның акыл, талантларга саекмавын һәм халкы файдасына алга таба эшләргә рухландыруын күрәм. Без бер урында тормыйбыз һәм ышанычлы адымнар белән бары тик алга гына барабыз", - дип билгеләде Илсур Метшин.

2003 елдан башлап балалар музыка һәм сәнгать мәктәпләре һәм сәнгать мәктәпләре укучылары да исемле стипендияләр белән бүләкләнә. Быел Казан Мэры бик яхшы укулары һәм иҗади казанышлары өчен шәһәр мәктәпләренең 30 тәрҗияләнүчесен 10-ар мең сум күләмендә стипендия белән бүләкләнде. Алар Мэрга үзләренең иң яхшы эшләренең берсен бүләк иттеләр һәм үзләренең талантларын күрсәтеп, музыкаль һәм вокаль номерлар әзерләделәр.

Казан Мэрының исемле стипендияләре яңа ел алдыннан 1994 елдан башлап ел саен бирелә. Конкурста студентлар һәм аспирантларның узган елгы уку-укыту һәм фәнни-тикшеренү эшләре нәтиҗәләре бәяләнә. Ел саен премияләрне 70-кә якын күренекле яшьләр вәкилләре ала. Мәсәлән, 2007 елда бүләкләнгән Андрей Грачев хәзер КМТТУ-КХТИ профессоры булды. Ул үзенең стипендиясен авыл хуҗалыгы калдыкларыннан түбән сортлы агачны сыек ягулыкка эшкәртү ысулын эшләгән һәм гамәлгә керткән, соңыннан бөтен дөньяда таныткан өчен алды. Аның эшен агымдагы ел стипендиаты, шул ук югары уку йорты аспиранты Миләүшә Хәйруллина дәвам итте. Ул файдаланылган агач шпалларны эшкәртү технологиясен эшләгән.

Шактый эшләр шәһәр һәм шәһәр тирәлеген үстерүгә багышланган. КДАТУ студенты Елизавета Хаҗиәхмәтова билгеләп үткәнчә, шәһәрдә архитектурага зур әһәмият бирелә. Үз эшендә яшь тикшеренүче архитектура киңлегенең мөмкинлекләре чикле балаларның психологик һәм эмоциональ халәтенә йогынтысын карады.

И.Метшин төрле проектлар авторларының шәһәр проблемаларына булган игътибарын һәм иң нәтиҗәле чишелеш табу теләген югары бәяләде. Инде бүген үк күп кенә эшләнмәләр тормышка ашты, үсеш алды яки алга таба тикшеренүләр өчен нигез булды. "Сезнең ярдәм һәм эшләрегез ярдәме белән Казанның Ватаныбызның иң төзек һәм уңайлы шәһәре булу мөмкинлеге бар. Мин педагогларга, фәнни җитәкчеләргә, стипендиатларның ата-аналарына, шулай ук югары уку йортлары ректорларына, мәктәп директорларына лаеклы укучыларны әзерләү эшләре өчен рәхмәт әйтәсем килә. Биредә җиңелүчеләр юк, монда сез һәм безнең шәһәр җиңә", - дип нәтиҗә ясады Мэр.

"Без һәрберегез Мэр кулыннан алынган дипломнарны озак еллар дәвамында үз гаилә архивларыгызда сакларсыз дип уйлыйбыз. Сине билгеләп үткәндә, бу җитәкчеңнең синең хезмәтеңне күрүе һәм бу юнәлештә эшләү мөмкинлеге бирүе турында сөйли. Мин яшь талантларга үз югары уку йортының һәм сез белем алган шәһәр планкасын беркайчан да төшермәскә телим", - диде КФУ ректоры Илшат Гафуров. Ул Казан җитәкчелегенә белем бирү өчен уңайлы мохит булдырганнары өчен рәхмәт белдерде, чөнки бу Татарстан башкаласының югары уку йортлары өчен конкурент өстенлеккә дә әверелә.