Илсур Метшин: "Игелекле дулкын" башкаласы - Казан"

(Казан шәһәре KZN.RU, 30-нчы ноябрь, Алсу Сафина). Бүген Казанда "Игелекле дулкын" Бөтенроссия фестиваленең гала-концерты уза. Узган ел старт алган проектка быел Казаннан тыш тагын 8 шәһәр - Мәскәү, Санкт-Петербург, Новосибирск, Екатеринбург, Краснодар, Севастополь, Владивосток һәм Курск кушылды. Ратушада узган матбугат конференциясендә Казан Мэры Илсур Метшин билгеләп үткәнчә, проект ярдәмендә битараф булмаган кешеләр һәр шәһәрдә күбрәк була бара.

Илсур Метшин: "Изгелек кайда гына булмасын, булсын гына"

Матбугат конференциясен ачып, Казан Мэры "Игелекле дулкын" фестивале проектын тормышка ашырырга ярдәм иткән барлык кешеләргә, шулай ук быел сайлап алу турлары узган шәһәрләрнең мэрларына рәхмәтен белдерде.

"Барысы да "Игелекле Казан" проектыннан, игелек ярминкәсеннән башланды. Бүген фестиваль бөтен Россия буенча зур дулкыннар белән бара, - дип билгеләде шәһәр башлыгы. - Әлеге игелек дулкыннары безнең илнең һәр почмагына килеп җитәр дип ышанам".

Илсур Метшин спонсорларга, Татарстан Президенты Рөстәм Миңнехановка, Президент грантлары фондына (грант ярдәмендә проектның географиясен киңәйтергә мөмкин булды) һәм һәр шәһәрдә битараф булмаган барлык кешеләргә рәхмәтен белдерде. "Бүген мин сезнең белән талантлы зур һәм кечкенә кунакларны күрүебезгә шатмын", - диде шәһәр башлыгы.

Икенче ел рәттән фестивальнең гала-концерты Татарстан башкаласында уза. Журналистларның "Игелекле дулкын" финалы Мәскәүгә күчерелсә, нәрсә булыр дигән соравына Илсур Метшин фестиваль башкаласы - Казан, дип җавап бирде.

"Изгелек кайда гына булмасын, булсын гына, - дип ышанып әйтте Мэр. - Без финал һәрвакыт Казанда узуын теләр идек. Әмма фестиваль Россиядә генә түгел, аннан читтә дә киң адымнар белән барса, без бу дулкыннарның алга таба ничек таралуын гына түгел, бу чарада катнашуны да бик теләп күзәтәчәкбез. Әмма "Игелекле дулкын" башкаласы - Казан. Һәм без беренче дулкыннарның моннан чыгуына һәрвакыт шат булачакбыз".

Игорь Крутой: "Казан белән бәйле барлык нәрсәләр безнең өчен аерым тора"

Гала-концертта катнашучыларның берсе - Мәскәүнең Часцово авыл җирлегеннән 11 яшьлек Валерия Сайкова. Ике атна элек "Аргументы и Факты" газетасы матбугат үзәгендә композитор яшь артистка "Нарисуй" җырында уйнап торды. Игорь Крутойның шул ук композициясе белән  Валерия Мәскәүдә "Игелекле дулкынның" төбәк турында чыгыш ясады, анда гран-при яулады. Казанда гала-концерт алдыннан фестивальнең генераль продюсеры, композитор Игорь Крутой аның өчен җыр язган. "Аның бөтен гомере башка төсләргә күмелде. Без бүген бу җырны башкарачакбыз", - диде композитор.

Фестивальнең генераль продюсеры сүзләренә караганда, киләсе елда фестиваль географиясе тагын да киңәячәк һәм "Игелекле дулкында" катнашучылар саны артыр, дип көтелә. Ул ассызыклаганча, фестивальдә җиңүчеләр һәм катнашучылар киләчәктә дә игътибардан читтә калмаячак. Сайлап алу турлары узган шәһәрләрдә Игорь Крутойның Популяр музыка академиясе филиаллары ачылганлыктан, балаларның үз талантларын үстерү мөмкинлеге бар. Академиянең генераль директоры Стелла Хачанянц, үз чиратында, оештыручылар балалар белән киләчәктә дә хезмәттәшлек итәләр, дип билгеләп үтте. Мәсәлән, фестивальнең Казаннан гран-при иясе "Евровидениенең" милли сайлап алу турына әзерләнәчәк. Киләсе елда Мәскәүдә парадка чакырылучылар да бар, кемгәдер дәвалауда һәм реабилитацияләүдә ярдәм күрсәтелә.

"Казан белән бәйле барлык нәрсәләр дә безнең тормышта Универсиададан, йөзү буенча дөнья чемпионатыннан башлап, аерым тора, - дип билгеләп үтте Игорь Крутой. - Киләсе елның августында эшче һөнәрләр дөнья чемпионатын ачу һәм ябу эшләрен дә башкарачакбыз".

Стелла Хачанянц: "Иң яхшыларны сайлап алу авыр булды, без балаларның батырлыгы күзлегеннән карадык"

Сайлап алу этапларының ничек узуы турында Игорь Крутой академиясенең генераль директоры Стелла Хачанянц сөйләде. "Аларны уздыру авыр булды, чөнки бу үзенчәлекле балалар һәм ата-аналар, барлык авырлыклар алар өстенә төшә, алар өчен болар барысы да җитди, алар бездән күпне көтә, - дип билгеләп үтте ул. - Бу бик катлаулы мәсьәлә. - Бездән торган игътибарны аларга бүләк итәргә тырышабыз. Мондый балаларның кайчан чыгыш ясаганда, аларның иң яхшфларн сайлап, аларга урын бирүне никадәр авыр икәнен күз алдыгызга китерә аласызмы? Әлбәттә, бу бик катлаулы. Әмма без гадәти конкурсларда жюрига караганда башка режимда эшләдек. Без балаларның батырлыклары ягыннан чыгып фикер йөрттек. Алар өчен җырлавы авыр түгел иде – аларга сулавы кыен. Әмма алар сәхнәгә чыкты, җырлады, шигырьләр сөйләде, уен коралларында уйнады. Күбесе сукыр балалар".

"Иң талантлыларны сайладык. Лауреатлар исемлегенә кермәгән балалар да талантлы. Алдагы елларда бу балаларны Казанга бу бәйрәмгә алып килү мөмкинлеге булыр дип өметләнәбез", - дип өстәде Стелла Хачанянц.

Вячеслав Проскурин беренче гран-при иясе булды

Матбугат конференциясендә "Игелекле дулкын" фестиваленең гран-при иясе билгеле булды - Новосибирскидан 12 яшьлек Вячеслав Проскурин. Аңа бүләкне дулкын сурәте төшерелгән статуэтка - җырчы, фестиваль илчесе Юлия Караулова тапшырды.

Шуны да билгеләп үтәргә кирәк, бүген малайның Игорь Крутой белән бер сәхнәдә чыгыш ясау хыялы тормышка ашты. Популяр музыка академиясе укучылары белән бергә Вячеслав Проскурин "Игелекле дулкын" фестивале гимнын башкарды. Моннан тыш, ул үзенең автор җырын тәкъдим итте.

Вячеслав Проскурин музыка аңа балачактан ошый, дип сөйләде, ул караокеда әтисе белән җырларга ярата. Бу миңа бик ошады. Миңа балалар синтезаторы сатып алдык, мин анда уйнадым, музыка яздым. Хәзер музыка белән профессиональ шөгыльләнәм, синтезаторда уйнарга яратам", - дип билгеләп үтте ул. "Минем автор җырым белән фестивальгә бүләк ясарга теләдем", - дип өстәде Вячеслав. Киләчәктә ул артист, җырчы булырга тели, хәзер ул Новосибирскида Игорь Крутойның Популяр музыка академиясендә шөгыльләнә. Яшь артистларга Вячеслав барыннан да элек куркмаска киңәш итте: "Сез үзегезне өйдә утырасыз һәм концертта чыгыш ясамыйсыз, ә кабатлыйсыз, дип күз алдыгызга китерегез. Иң мөһиме - борчылмагыз һәм барысы да килеп чыгачак".

Матбугат конференциясе ахырында йолдызлы катнашучылар яңа традицияне булдырдылар – алар киләчәктә хәйрия аукционнарында лотлар булачак фотоларда үз автографларын калдырдылар. Җыелган акчалар балаларны дәвалауга тотылачак.