И.Метшин: «Нәкъ менә сезнең ярдәм белән, хөрмәтле казанлылар, Татарстан башкаласы үсә»

Казан мэры Илсур Метшин шәһәр халкын Шәһәр һәм Республика көне белән котлады.

«Хөрмәтле казанлылар!

Сезне чын күңелдән Татарстан Республикасы көне һәм Казан шәһәре көне белән котлыйм!

Бу искиткеч бәйрәм Казан халкы өчен аеруча әһәмиятле, чөнки безнең барыбызны да, яшькә, һөнәргә һәм кызыксынуларга карамастан, туган шәһәребезгә мәхәббәт, аның язмышына битараф булмау берләштерә.

Безнең уртак йортыбыз — Татарстан — зур мөмкинлекләре булган тотрыклы һәм өметле төбәк, анда төрле милләт һәм дин вәкилләре дус һәм тату яши. Без аның бай тарихы, җиңүләре һәм казанышлары – гомуми иҗади хезмәт нәтиҗәләре белән хаклы рәвештә горурланабыз.

Безнең яраткан шәһәребез – Меңьеллык Казан, уңдырышлы җирнең күңеле һәм йөрәге, үзенчәлекле мәдәнияткә һәм бай тарихи мираска ия булып, елдан-ел үзгәрә бара, күбрәк кунаклар һәм туристлар җәлеп итә.

Бу казанышлар – Сезнең казаныш! Нәкъ менә сезнең ярдәмегез белән, хөрмәтле казанлылар, Татарстан башкаласы үсә, барлык төп юнәлешләр буенча югары социаль-икътисадый күрсәткечләргә ирешә. Сезнең туган җиргә булган мәхәббәтегез, кайгыртучанлыгыгыз һәм хезмәтегез, барлык шәһәр программаларында актив катнашуыгыз Казанны иң төзек зур шәһәрләренең берсенә әйләндерде, алга таба хәрәкәт итүгә ныклы нигез салды.

Ышанам ки, без бергәләп тагын бик күп зур һәм баһалы проектларны тормышка ашырачакбыз!

Казанга булган мәхәббәтегез, башкалабызның бүгенгесе һәм киләчәгенә бәяләп бетергесез өлеш кертүегез өчен чын күңелдән рәхмәт белдерәм! Сезгә һәм якыннарыгызга нык сәламәтлек, шатлык һәм иминлек телим!», – диелә котлауда.