Kazan Digital Week халыкара форумында 16 меңнән артык кеше катнашты

9—11 сентябрьдә Татарстан башкаласында узган Kazan Digital Week халыкара форумында Россиядә, якын һәм ерак чит илләрдә яшәүче 16 меңнән артык кеше катнашты. Кунаклар өчен төрле темаларга 100 дән артык чара оештырылды. Аппарат киңәшмәсендә мэр Илсур Метшин һәр шундый форум шәһәр һәм илнең ИТ-тармагы үсешенә яңа этәргеч бирәчәгенә ышаныч белдерде.

«Kazan Digital Week форумы — якын киләчәктә спутник Интернеты, пилотсыз очу аппаратлары, медицина диагностикасы турында фикер алышкан ИТ-өлкәдәге иң мөһим чараларның берсе. Бу форум тармак характерында гына түгел, монда сәламәтлек саклау, мәгариф, транспорт, авыл хуҗалыгы, финанс секторы, дәүләт идарәсе өлкәләрендә үсеш векторлары билгеләнде», – диде шәһәр башлыгы.

Мэр башкарма комитет хезмәткәрләре форумда актив катнашты, дип өстәде. Мисал өчен, шәһәрләрнең түгәрәк өстәлендә Казан проектларын вице-мэр Евгения Лодвигова һәм Шәһәр трансформациясе үзәге директоры Дмитрий Кремлев тәкъдим итте. Алар «Минем Казан» платформасы, «Сити софт» шәһәр төзекләндерү системасы һәм «Цифрлы игезәк» турында сөйләделәр. Шулай ук проектлар башкарма комитет тактасында тәкъдим ителде, аның белән республика рәисе Рөстәм Миңнеханов һәм РФ цифрлы үсеш, элемтә һәм массакүләм коммуникацияләр министры Максут Шадаев танышты.

Моннан тыш, «Метроэлектротранс» МУП форумында «Такском» ҖЧҖ белән электрон юл кәгазьләрен булдыру турында килешү имзаланды. Проектны трамвай депосы базасында кертәчәкләр.

«Мәгълүматлар икътисады» яңа милли проекты ИТ-өлкәдә эшне көчәйтергә мөмкинлек бирер дип өметләнәбез. Без бу хакта күп сөйлибез һәм системалы рәвештә эшлибез», – дип тәмамлады Илсур Метшин.