БРИКС+ илләренең шәһәрләре һәм муниципалитетлары ассоциациясенең иң яхшы тәҗрибәләре белән уртаклашу сайты ачылды

БРИКС+ илләренең шәһәрләре һәм муниципалитетлары ассоциациясен булдыру кысаларында Казан мэриясе тарафыннан иң яхшы тәҗрибәләр белән алмашу өчен Shared city сайты эшли башлады. Бу хакта БРИКС+ илләре Халыкара шәһәрләре форумының бәхәсле сессиясендә Казан мэры Илсур Метшин хәбәр итте. Инглиз телле онлайн-мәйданчыкта дөньяның 34 илен тәкъдим итүче 104 шәһәр тәҗрибәсе җыелган. Якын арада сайт БРИКСка керүче дәүләтләрнең барлык телләренә дә тәрҗемә ителәчәк.

«Локаль берләшмәләрнең глобаль хезмәттәшлеге: БРИКС+ илләренең шәһәрләре һәм муниципалитетлары ассоциациясе» бәхәсле сессиясенең модераторы булып Russia Today һәм «Россия сегодня» халыкара мәгълүмат агентлыгы баш мөхәррире Маргарита Симоньян чыгыш ясады.

«Мин Казанда шундый мәшһүр һәм төрле халыкны иң матур шәһәрләрдән берсендә сәламләргә шат. Татарстан башкаласы Россиянең иң яхшы һәм уңайлы шәһәрләре өчлегенә керә. Бигрәк тә Казан мэры, безнең дустыбыз Илсур Рәис улы Метшин БРИКС һәм БРИКС+ илләре генә түгел, ә бу дәүләтләрдә булган шәһәрләр дә очрашсын өчен инициатива белән чыгыш ясады», — дип сәламләде Маргарита Симоньян. 

Казан мэры билгеләп үткәнчә, БРИКС+ илләренең шәһәр һәм муниципалитетлар ассоциациясе вәкилләре тарафыннан оештыру җыелышында елына ким дигәндә ике тапкыр очрашулар уздырырга тәкъдим ителде. Шул ук вакытта ассоциация әгъзаларының һәркайсы көн саен яңа сайтта тәҗрибәләр белән алмаша алачак.

«Без 34 илдән килгән 104 шәһәрнең иң яхшы тәҗрибәләрен җыйган Shared city сайтын булдырдык. Мин сайтның уңышлы эшләре белән тулылануын теләр идем. Теләгән мэр сайтта дөньяның барлык материкларыннан хезмәттәшләре нәрсә уйлап чыгарганын күзәтә алу өчен, без мәйданчык төзи алуыбызга ышанам. Шәһәрне һәм шәһәрлеләрнең тормышын яхшырту өчен безнең команданың әгъзасы коллегаларыбызның вакыт, акча һәм чыганаклар сарыф иткән тәҗрибәләрен өйрәнергә мөмкин. Мин мәйданчыкның киләчәге зур дип ышанам. Бу безнең бергә эшләүнең башы гына», — дип мөрәҗәгать итте Казан мэры Илсур Метшин.

Бөтенһинд җирле үзидарә институты генераль директоры урынбасары Рави Ранҗан Кумар Гуру Һиндстанда тормышка ашырыла торган акыллы шәһәрләр программасын гамәлгә ашыру турында сөйләде.

«Бүген Һиндстанда бик мөһим тавышыбыз бар. Әлбәттә, шәһәрләр һәм җирле хакимият белән бәйле бик күп төрле миссияләр, программалар. БРИКС+ шәһәрләре ассоциациясе төзелүе турында мәгълүмат барлыкка килгәч, беренче көннән үк без бу фикерне хупладык. Бу бик мөһим — белемнәрне төрле платформалар аша тарату һәм иң яхшы тәҗрибәләр белән уртаклашу мөмкинлеге», — диде Рави Ранджан Кумар Гуру.

Мәскәү шәһәр Думасы рәисе Алескей Шапошников билгеләп үткәнчә, Россия башкаласы — дөньядагы иң цифрлаштырылган мегаполисларның берсе, ул бу юнәлештә башка муниципалитетларга җитди ярдәм күрсәтә ала. Мисалга ул «Мәскәү электрон мәктәбе» платформасын китерде, аның аналоглары хәзер ил төбәкләрендә кулланыла.

«Ул дөньядагы мәктәп укучылары өчен танылган электрон платформалар бишлегенә керә. Моннан тыш, бездә тагын 10 елдан артык кулланыла торган берничә кызыклы платформа бар. Алар арасында — «Актив гражданин» платформасы, гомумшәһәр референдумын да үткәрергә мөмкинлек бирә, шулай ук район көнкүреше мәсьәләләрен дә хәл итәргә мөмкинлек бирә, безнең халык алар белән еш кына очраша», — дип сөйләде ул.

Көньяк Африка җирле үзидарә ассоциациясе президенты Беке Стофиле җирле хакимият вәкилләренә бердәмлеккә төп басым ясарга кирәк, дип ышана. Бүгенге көндә муниципаль хакимиятләрнең чакырулары кайсыдыр дәрәҗәдә охшаш, шуңа күрә алар хезмәттәшлеккә мохтаҗ.

«Җирле хакимият — гражданнар алдында торган бурычларны хәл итү мәсьәләләрендә милли хакимиятләрнең ниятләре торырга тиешле адымнар», — дип белдерде Беке Стофиле.

Бәхәсле сессия барышында Тәбриз (Иран) мэры Ягуб Хушьяр, Искешәһәр (Төркия) башлыгы Айша Унлюдже, Харбин (Кытай), Мешхед (Иран) һәм башка шәһәрләр вәкилләре иң яхшы тәҗрибәләр белән уртаклаштылар.