Рөстәм Миңнеханов һәм Илсур Метшин «Безнең ишегалды» программасы буенча беренче төзекләндерелгән территориядә булып кайттылар

(Казан шәһәре KZN.RU, 1 нче июнь, Татьяна Марюхова). Дәрвишләр бистәсендә быел «Безнең ишегалды» республика программасы буенча ремонтланган беренче территория ачылды. Ул үз эченә 12 күп фатирлы йортны ала, аларда 1 меңнән артык кеше яши. Бүген биредә «КазанДА күңелле җәй» проекты һәм Татарстанда балалар һәм яшүсмерләр өчен беренче хобби-бокс презентациясе узды.

Татарстан Рәисе Рөстәм Миңнеханов, Казан Мэры Илсур Метшин һәм РФ төзелеш, архитектура һәм торак-коммуналь хуҗалык министры Марат Айзатуллин ишегалдын карадылар, халык белән аралаштылар, шулай ук төрле мәйданчыкларда булдылар.

[if gte mso 9]>

[if gte mso 9]> Normal 0 false false false RU X-NONE X-NONE

[if gte mso 9]>

[if gte mso 10]>

StartFragment

13,4 мең кв.м газон, 15 мең кв.м асфальт, 250 дән артык яшел агачлар

EndFragment

Совет районы администрациясе башлыгы урынбасары Денис Воробьев ишегалдында 15 мең кв.м асфальт җәелгәнлеге, ә территориядә ремонт һәм төзекләндерү ике ай дәвамында үткәрелүе турында сөйләде. «Бу ишегаллары комплексы очраклы гына сайланмаган – 6 нчы балалар поликлиникасының филиалы да бар, ул бүген дә үз ишекләрен ачты. Әлбәттә, халык проектның төрле стадияләрендә фикер алышуга җәлеп ителгән, елның төрле вакытында җыелышлар һәм очрашулар үткәрелгән. Проектны гамәлгә ашырганда халыктан килгән барлык теләкләр дә исәпкә алынды», – диде ул.

Ишегалдында балалар һәм спорт мәйданчыклары төзелә, яктырткычлар һәм урам җиһазлары урнаштырыла. Эшләрне башкарганда төзекләндерүгә аерым игътибар бирелә. Мәсәлән, эшчеләр 13,4 мең кв.м мәйданда кара туфрак салып, газон чәчкәннәр, 70 агач һәм 180 куак утыртканнар. «Дәрвишләр торак-коммуналь хуҗалыгы» идарәче компаниясе көче белән агымдагы һәм капиталь ремонт кысаларында фасадларны, керү төркемнәрен, нигез ташларын һәм түбәләрне ремонтлау эшләре башкарылган.

Шулай ук «Казэнерго» АҖ 14 җылылык камерасын реконструкцияләү һәм ТК-1 дән ТК-4 кә кадәр 80 п.м җылылык трассасы торбаларын алыштыру буенча эшләр үткәрә. «Челтәрле компания» АҖ көче белән электр белән тәэмин итүнең һава челтәрләрен өлешчә җир асты коммуникацияләренә күчерү һәм калган баганаларны алыштыру буенча эшләр башкарылган.

Ишегалды архитекторы Рафаэль Сафиуллин хәбәр иткәнчә, проектны эшләгәндә белгечләр мөмкин булган урыннарда парковкаларны да сыйдырырга тырышканнар – ул инженерлык челтәрләреннән һәм яшеллекләрдән ерак, бөтен ишегалдын асфальт түшәмгә әйләндермичә башкарылган.

«Машина кую урыннары аз өстәлде, ләкин, минемчә, әлеге проблема конкрет ишегалдында гына түгел, ә нигездә халык күп булган шәһәрләрдә дә бар. Без моны мөмкин булганча чишәргә тырышабыз. Гомумән, без халыкка үз ишегалдында йөрергә һәм рәхәт булсын өчен барысын да эшләргә тырыштык. Күршеләр бер-берсе белән дуслашырлар, дус-тату яшәрләр дип ышанабыз», - дип ассызыклады ул.

Халык проектка соклануын белдерде, ремонт ясаганнары өчен рәхмәт сүзләре җиткерде. Мәсәлән, Надежда Сабирова күптән түгел генә башка йортка күченгән, әмма яңартылган территорияне карарга кайткан. «Бүген монда зур бәйрәм оештырылды, барысы да бик матур, без мондый үзгәрешләргә гаҗәпләнәбез һәм бик шатбыз. Мин элек монда яшәдем, бу урынга бик күнеккән идем һәм менә ничек үзгәргәнен карарга килдем. Балалар өчен бик күп төрле зоналар бар – балалар мәйданчыклары да, юллар да, минемчә, алар бик шаттыр», – дип уртаклашты хатын-кыз.

«Безнең ишегалды» программасы буенча быел 482 йортның территориясе төзекләндереләчәк, үзгәрешләр Казанда яшәүче 100 меңгә якын кешене колачлаячак. Өч ел эчендә республика программасы буенча 1356 йорт төзекләндерелгән. Яхшыртулар 300 меңнән артык кешегә кагылган. Быел төзекләндерүгә 2,8 млрд сум каралган. Бүгенге көндә төзүчеләр 180 территорияне яңарта, эшләр 31% ка башкарылган.

«Безнең ишегалды» программасы буенча ремонтланачак ишегаллары ачык тавыш бирү юлы белән сайлана. Ул кичә дәүләт хезмәтләре порталында тәмамланды, ә анда Казанның төрле районнарындагы 30 объекты катнашты. Сайланган территорияләр «Безнең ишегалды» программасына беренче чиратта керәчәк.

Татарстанда беренче «Хобби бокс» презентациясе һәм «КазанДА күңелле җәй» проектының старты

Бүген ишегалдында бәйрәм, һәм очраклы түгел – нәниләр Балаларны яклау көнен билгеләп үтәләр. Алар өчен иртән интерактив программа уза: мастер-класслар, спорт күңел ачулары, күңелле стартлар, асфальтта рәсемнәр конкурсы һәм башка мәйданчыклар. Болар барысы да «Яшүсмерләр» шәһәр берләшмәсе оештырган «Хобби бокс» мобиль яшүсмерләр клубы дип атала.

Ул Дәрвишләр, Вознесение, Салмачы, Вишневка, Привольный, Салават Күпере һәм «Радужный» торак комплексына барачак. Барлык иҗади һәм техник мастер-класслар, интеллектуаль ярышлар, ишегалды уеннары, алып баручылар һәм аниматорлар белән интерактив чаралар бушлай булачак. Клуб эш көннәрендә 10:00 дән 19:00 гә кадәр эшләячәк.

Рөстәм Миңнеханов һәм Илсур Метшин «КазанДА күңелле җәй» проектына старт бирделәр, аның кысаларында 4 меңнән артык бала һәм яшүсмер җәйге каникулларда үзләре өчен кызыклы шөгыль таба алачак.

Ишегалды территориясендә «Казан – бәхетле балачак шәһәре» фестивале узды. «Һөнәрләр шәһәре» станциясендә кыска вакыт эчендә галим, янгын сүндерүче, ЮХИДИ хезмәткәре, табиб, спортчы яки фермер булырга мөмкин иде. «Беренчеләр хәрәкәте» активистлары үз берләшмәләре турында сөйләделәр һәм үз сафларына яңа яшьләрне җәлеп иттеләр.

«Яшәү яме» проекты активистлары ачык һавада гимнастика үткәрделәр. «Тыңла» проекты мәйданчыгында теләгән һәркем психолог консультацияләре ала, ә «Лапа дружбы» проекты кысаларында яшь кинологлар этләрне өйрәтү күнекмәләрен үзләштерә алды.