Казан Мэры: «Цифрлаштыруны кешеләргә хезмәт итәргә куярга кирәк»

(Казан шәһәре KZN.RU, 28 нче ноябрь, Юлия Летникова). 2007 елдан башлап шәһәрлеләрнең Казан Мэриясенә мөрәҗәгатьләре саны 30 тапкырга арткан. Агымдагы ел башыннан гына да 11 элемтә каналы аша килгән 480 меңнән артык мөрәҗәгать теркәлгән. Хәбәрләрне оператив эшкәртү өчен шәһәрдә заявкалар өчен җаваплы затлар, шул исәптән идарәче компанияләр һәм хезмәт күрсәтүче оешмалар буенча бүленәчәк платформаны эшләтеп җибәрергә планлаштыралар. Бу хакта эшлекле дүшәмбедә Башкарма комитет аппараты җитәкчесе Булат Алеев хәбәр итте.

«Цифрлаштыруны кешеләргә хезмәткә итәргә куярга кирәк. Халык белән аралашуда нәтиҗәлелеккә ирешергә, аларга оператив һәм тиз арада мәгълүмат җиткерергә кирәк», – дип билгеләде Казан Мэры Илсур Метшин. Аның сүзләренчә, элемтә каналлары саны арту белән бергә мөрәҗәгатьләр саны да арта. «Статистика кешеләрнең хакимияткә ышанулары, безгә мөрәҗәгать итүләре һәм аларның мәсьәләсен тиз арада контрольдә тотачакларын белүләре турында ачыктан ачык сөйли. Казанлылар активлаша, бу безнең өчен яхшы билге. Шәһәрлеләрнең мөрәҗәгатьләре белән кызыксынабыз – бу хаталарны төзәтергә, киләчәк эш векторын билгеләргә сәбәп», - дип белдерде шәһәр башлыгы. 

Б.Алеев сүзләренә караганда, мөрәҗәгатьләр саны арту белән бергә гаризалар тематикасы да үзгәргән: әгәр 15 ел элек шәһәрлеләрне түбәләр һәм торбалар ремонтлау, юллар һәм парклар төзү борчыган булса, хәзер чүп савытлары һәм чүп чыгару. Цифрлаштыру шәһәрлеләрнең комментарийларына тиз җавап бирергә ярдәм итә: бу мәсьәләне хәл итү яки күрсәтелгән хәбәр буенча беренче коммуникация турында халыкка җавап бирү тизлеге 2 сәгать 3 минут тәшкил итә. Моннан тыш, килүче мөрәҗәгатьләр шәһәр урыннары буенча теркәлә, нәтиҗәдә, «җылылык» картасы барлыкка килә, анда мөрәҗәгать учаклары күренә. 

Алдарак җавап бирү өчен Башкарма комитет хезмәткәрләре тәүлек буе массакүләм мәгълүмат чаралары һәм социаль челтәрләр мониторингын алып барыла. «Интернет-кабул итү аша язган проблема буенча заявка эшкәртелгән вакытта хәл ителгән очраклары да була, чөнки аның турында медиамәйданчыклардан беләләр», – дип аңлатты Б.Алеев. Аның сүзләренә караганда, 2021 елда белгечләр массакүләм мәгълүмат чараларында 60 меңнән артык басманы һәм социаль челтәрләрдә 40 меңнән артык хәбәрне эшкәртеп анализлаган. Бу ел башыннан массакүләм мәгълүмат чараларында 85 меңгә якын публикация һәм социаль челтәрләрдә 46 мең хәбәр эшкәртелгән. 

Башкарма комитет өстәмә элемтә каналлары сыйфатында 500 мең кешене колачлаган социаль челтәрләрне куллана. Шәһәрлеләр мәгълүматны каян алырга икәнен сайлый ала – Мэриянең төп чыганакларыннан, администрацияләрнең яки аерым бүлекчәләрнең социаль челтәрләре аша. Докладчы сүзләренә караганда, барлык җитәкчеләр дә диярлек тәүлек буе халык белән ачык диалогта һәм курыкмыйча социаль челтәрләрне алып бара. 

Коммуникацияләр ярдәмендә казанлылар шәһәр үсешендә катнаша, үсешнең өстенлекле юнәлешләрен билгели, яңа программалар һәм проектлар барлыкка килүне башлап җибәрә, дип ассызыклады шәһәр Башкарма комитеты аппараты җитәкчесе. Мисал итеп, ул мәгълүмат кырында фикерләр төрлелеге тудырган сукбай этләр проблемасын яңгыратты. «Ул чакта Казанны ташландык хайваннарсыз, этләргә һәм мәчеләргә карата кешелекле, җаваплы мөнәсәбәт булган шәһәр итәргә карар кылынды, – дип искәртте Б.Алеев. - Түгәрәк өстәлләрдә фикер алышудан, чит ил тәҗрибәсен өйрәнүдән башладык. Җыелган мәгълүмат реаль гамәлләр белән ныгытылды». Әйтик, проблеманы хәл итүнең беренче этабында күзәтүчесез хайваннарның булу урыннары турында мәгълүмат алу өчен Башкарма комитет кайнар линия һәм чат-бот төзеде. 

Telegram-ярдәмчеләр башка темаларга мөрәҗәгать итү өчен дә булдырылган. Әйтик, халык уңайлы шәһәр тирәлеге темасына хәбәр калдыра ала. Моннан тыш, шәһәр халкы өчен «Минем Казаным» бердәм чат-боты булдырылды, анда мөрәҗәгатьләрне төрле рубрикалар буенча калдырырга мөмкин. Шәһәр ярдәмчесе эшли башлаганнан бирле анда яшәүчеләр 2 меңнән артык мөрәҗәгать калдырган. Хәзерге вакытта иң уңайлы категория булып кар чистарту тора. 

Моннан тыш, казанлылар шәһәрдәге үзгәрешләр темасына ачык фикер алышуларда үз теләкләрен җиткерә алалар. «Җәй көне Казансу яр буен, Бауман урамын һәм башка урыннарны үстерү темасына очрашулар циклы булды. Чараларда район башлыклары һәм җитәкчеләр халыкны объектлар белән таныштырдылар һәм планнар турында сөйләделәр», - дип искәртте Б.Алеев. Аның сүзләренә караганда, «Шәһәр модераторлары» һәм «Шәһәрле-галим» очрашуларында меңнән артык кеше булган. 

Әлеге мөрәҗәгатьне РФ Дәүләт хезмәтләренең кире элемтә платформасында һәм «Бергә хәл итәбез» мобиль кушымтасында калдырырга мөмкин. Шәһәр бу системаларга узган елның августында тоташты.

Б.Алеев сүзләренчә, Казан командасының тәҗрибәсе һәм эшләнмәләре федераль дәрәҗәдә кирәк. «Безгә «Диалог» коммерцияле булмаган автоном оешмасының интернет-коммуникацияләр өлкәсендә бөтенроссия ведомствоара компетенцияләр үзәге мөрәҗәгать итте. Алар белән партнерлыкта без яңа проектларны гамәлгә кертергә әзерлибез», - дип йомгаклады ул.