И.Метшин: «Җирле һәм төбәк хакимиятләре пандемия белән бәйле көндәлек проблемаларны хәл итүгә юнәлдерелгән»

(Казан шәһәре KZN.RU, 9-нчы июль). Казан Мэры, БМОның җирле үзидарә мәсьәләләре буенча консультатив комитеты (UNACLA) президенты Илсур Метшин БМОның тотрыклы үсеш буенча югары дәрәҗәдәге сәяси форумында катнашты. Бүген форум кысаларында Җирле һәм төбәк хакимиятләре көне узды. Катнашучылар тотрыклы үсеш өлкәсендә универсаль көн тәртибен локальләштерүне тизләтү максатларында фикер алышты.

«Мин сезне җирле һәм төбәк хакимият органнары вәкилләре исеменнән сәламләвемә бик шатмын. Бу көн 2019 елда Җирле һәм төбәк хакимиятләренең глобаль максатчан төркеме тарафыннан безнең тавыш халыкара процесслар кысаларында мөһим карарлар кабул ителгәндә ишетелсен өчен тәкъдим ителде», – дип башлады үз чыгышын И.Метшин. Ул халыкара бергәлек тотрыклы үсеш максатларын 6 ел элек раслады, ә бер елдан соң Яңа көн тәртибе барлыкка килде, дип сөйләде. Китодагы Торак һәм тотрыклы шәһәр үсеше буенча конференциянең йомгаклау декларациясе көн тәртибендәге Яңа шәһәр роленең, үзгәртеп корулар өчен алшартлар буларак, тотрыклы үсеш өлкәсендә максатларга ирешүнең мөһим катализаторы булуын ассызыклый. Аның потенциалы тотрыклы үсеш өлкәсендә максатлар казанышларын тизләтүче буларак потенциалын бәяләп бетермичә булмый, һәм бу без гамәлләрне локальләштерү юлы белән генә барлык глобаль максатларга ирешә алачакбыз дигән искәртү», – дип билгеләде Казан Мэры.

Әмма коронавирус пандемиясе тормышның барлык аспектларына көчле йогынты ясады һәм тигезсезлекне катлауландырды, шуңа күрә хәзерге вакытка кадәр кабул ителә торган чаралар җитәрлек түгел, дип ассызыклады И.Метшин. Ул билгеләп үткәнчә, нәкъ менә җирле һәм төбәк хакимиятләре бу җәһәттән хезмәт күрсәтүне тәэмин итүгә һәм пандемия белән бәйле көндәлек проблемаларны хәл итүгә үзләренең тугры булуларын исбатлады.

«Җирле һәм төбәк хакимиятләре, бернигә дә карамастан, пандемия вакытында төп хезмәтләрдән файдалану мөмкинлеген саклап калу өчен көрәште, база хезмәтләрен күрсәтү сәламәтлек саклау өлкәсендә җавап чараларының очлы почмаклы ташы булуын күрсәтте. Сәламәтлек саклау һәм төп хезмәтләр кулга-кул тотынышып бара һәм пандемиядән соң торгызу юлында игътибар үзәгендә булырга тиеш. Әгәр дә без пандемиянең иң начар чоры вакытында гражданнар турында кайгыртуны өстенлекле итә алган булсак, без моны торгызу буенча да эшли алабыз һәм эшләргә тиеш», – дип ышана UNACLA президенты.

Чыгышы вакытында И.Метшин җирле һәм төбәк хакимиятләренең милли хисаплылыкта катнашуын көчәйтү зарурлыгын билгеләп үтте. Аның сүзләренә караганда, алар бары тик ирекле милли күзәтүләрнең 37%-ында гына катнашкан. Бу күрсәткечләр төрле территорияләрдә төрлечә тирбәлгән, бары тик Ауропа һәм Азия-Тын океан төбәгендә генә чагыштырмача югары булган.

Җирле һәм төбәк хакимиятләренең катнашуының көчәюе барлык фикерләрне исәпкә алырга һәм максатларны гамәлгә ашыру өчен җаваплылыкны арттырырга ярдәм итәчәк. Безнең хисап күрсәткәнчә, күпбаскычлы хезмәттәшлек һәм координацияләү хәлиткеч әһәмияткә ия һәм, кайбер очракларда, идарә системасын яңадан карарга һәм модернизацияләргә кирәк. Җирле һәм төбәк хакимиятләре торгызуның барлык стратегияләрендә, аерым алганда, торгызуның милли программаларында, гомуми колачлауны тәэмин итү өчен катнашырга тиеш», – диде Казан Мэры.

UNACLA президенты фикеренчә, җирле һәм төбәк хакимият органнарын торгызу процессына җәлеп итү генә түгел, ә универсаль үсеш программаларын локальләштерү өчен ныклы партнерлык мөнәсәбәтләрен дә җайга салырга кирәк.

Ахырда И.Метшин яңа система булдырырга чакырды, анда җирле һәм төбәк хакимиятләре тулысынча карарлар кабул итүдә катнашачак. Ул бу бүгенге көн ихтыяҗларына һәм таләпләренә җавап бирә торган көчле халыкара бергәлек формалаштырырга ярдәм итәчәк, дип ышана.

«Безнең вәкилләр элеккечә БМО халыкара бергәлеге һәм системасы белән күперләр салырга әзер. UNACLA моны тәэмин итүдә мөһим роль уйнарга, җирле һәм төбәк хакимиятләренең яңа көн тәртибен гамәлгә ашыруга бәйле рәвештә күзәтүдә һәм алга таба эшчәнлектә танылуын тәэмин итү өчен инструмент булырга тиеш», – дип нәтиҗә ясады Мэр.

Чарада катнашучыларга сәламләү сүзе белән шулай ук «Берләшкән шәһәрләр һәм җирле хакимиятләр» Бөтендөнья оешмасының генераль секретаре Эмилия Сайз һәм БМО генераль секретареның бәла-казалар куркынычын киметү буенча махсус вәкиле, БМО Идарәсе башлыгы Мами Мидзутори мөрәҗәгать итте.

Тотрыклы үсеш буенча югары дәрәҗәдәге сәяси форум (ПФВУ) – 2030 елга кадәрге чорга көн тәртибен һәм тотрыклы үсеш өлкәсендәге максатларны мониторинглау һәм күзәтү өчен төп халыкара платформа. 2021 елда ул «Тотрыклы үсешне икътисадый, социаль һәм экологик үлчәүгә ярдәм итә торган COVID-19 пандемиясеннән соң тотрыклы торгызу: тотрыклы үсешкә ирешү максатларында гамәлләр унъеллыгы контекстында 2030 елга кадәр Көн тәртибенә инклюзив һәм нәтиҗәле юл тәэмин итү» темасына багышланган. Форум кысаларында үз ирекле милли күзәтүләрен 44 ил тәкъдим итәчәк. Атна дәвамында 70-тән артык җирле сәяси вәкил һәм 200 практик үз тәҗрибәләре белән уртаклаша.