И. Метшин: «Шәһәргә барып йөрмәс өчен, бистәләрдә яшәүчеләргә коронавирустан вакцинация алуны уңайлы итергә кирәк»

(Казан шәһәре KZN.RU, 21-нче июнь, Алинә Бережная). Казанда 137 мең 476 кеше коронавирус инфекциясенә каршы вакцинация узган, шул исәптән – 60 яшьлек 57 мең 165 кеше. Бүгенге көндә прививка ясатканнарның гомуми саны барлык вакцинациядән 23,32% тәшкил итә. Шәһәрдә метро станцияләре янында вакцинация буенча мобиль бригадалар һәм сәүдә үзәкләрендә прививка пунктлары эшли. Моннан тыш, ерак районнарда яшәүчеләрне вакцинацияләү өчен шартлар тудырырга кирәк, дип саный Казан Мэры Илсур Метшин. «Безнең бистәләрдә 220 мең кеше яши, күпләр каникулларда әбиләрендә, бабайларында ял итә, вакцинацияне аларга шәһәргә йөрергә туры килмәсен өчен эшләргә кирәк», – дип йөкләде И.Метшин.

Татарстан Республикасы Сәламәтлек саклау министры урынбасары – Татарстан Республикасы Сәламәтлек саклау министрлыгының Казан буенча Идарәсе башлыгы Владимир Жаворонков июнь башыннан Россиядә коронавирус йоктыручылар саны арта башлавы турында сөйләде. Икенче дулкыннан соң инфекциялеләр саны көненә 8-9 мең кеше тирәсендә тирбәлде. Әмма тәүлегенә 19-нчы июньдә илдә инде 17 мең 611 яңа COVID-19 һәм 450 үлем очрагы теркәлгән. «Иң күп йоктырулар саны Мәскәүдә ачыкланды – 8305. Ә 18-нче июнь көнне башкалада пандемиянең бөтен вакытында иң күбе 9120 очрак теркәлде. Әлеге чакыруларга җавап итеп, шәһәрнең сәламәтлек саклау системасы превентив чаралар күрергә һәм ОРВИ, COVID-19 диагнозына шик булган, COVID-19 диагнозы расланган очракларда пациентлар өчен стационарларда өстәмә урыннар ачарга мәҗбүр», – дип хәбәр итте В.Жаворонков.

Килеп туган вәзгыятьне исәпкә алып, илдә коронавирус тагын да тизрәк тарала башларга мөмкин, дип саный спикер. Аңа каршы бердәнбер корал булып коллектив иммунитет һәм элемтәләрне чикләү тора. «Җитәрлек күләмдә вакцинация булмау, антитәннәре сакланып калган авыручылар саны кимү вирусның тиз таралуына ярдәм итәчәк. Вируска карата гражданнар саны күбрәк булган саен, ул акрынрак таралачак», – дип ассызыклады В.Жаворонков.

Аның сүзләренә караганда, бүген авыру яшен тизлеге белән тарала, бер тапкыр авырган,  прививка кампаниясе башында прививка ясатканнар арасында да кабат авыручылар бар. Бу акрынлап антитәннең яклау титры кими баруы турында сөйли. «Вакцинация ковид  йоктырудан йөз процент гарантия булып тормый, әмма вакцинациянең беренче этабыннан соң иммунитет формалашкан кешеләрдә авыру җиңел формада уза», – дип хәбәр итте В.Жаворонков.

Шәһәрдә вакцинацияне метро станцияләре янындагы мобиль пунктларда һәм сәүдә үзәкләрендә узарга мөмкин. В.Жаворонков хәбәр иткәнчә, сәүдә үзәкләрендә 11 мең 551 кеше, ә 7 метро станциясе янында 1-нче июньнән 20-нче июньгә кадәр 5 мең 21 кеше вакцина ясаткан. Мобиль прививка бригадалары шулай ук предприятиеләргә, транспортсыз, аз хәрәкәтләнүче кешеләрнең өйләренә йөри.

Казан Мэры ассызыклаганча, чикләүләрне бетерү яки кертү буенча барлык карарларны Кулланучылар хокукларын яклау һәм кеше иминлеге өлкәсендә күзәтчелек федераль хезмәте санитар-эпидемиологик вәзгыятьтән чыгып кабул итә һәм халыкны тынычланырга өндәде. «Казандагы вәзгыятьнең начарлануына юл куймау безнең кулларда, әмма бу инде социаль дистанцияне, битлек режимын сакламау аркасында килеп чыга. Статистика начар, шуңа күрә саклану чараларында игътибарлы булырга, кулларны юарга, дистанцияне үтәргә һәм прививка ясатырга кирәк. Бу ел эчендә без катгый чикләү чаралары турында оныттык диярлек, шуңа күрә алар кайбер төбәкләрдә кертелгәч, халыкның ни дәрәҗәдә теләксез кабул итүен күрәбез. Кешеләр ияләшә һәм бу аларга кагылмаячак, дип уйлый, ләкин, кызганычка каршы, өченче дулкын инде җиткән. Тынычланырга иртән түгел, ә куркыныч», – дип мөрәҗәгать итте шәһәр халкына И.Метшин.