Казанның Киров һәм Мәскәү районнарында 2019 елда 36 юл һәм 49 ишегалды төзекләндерелде

(Казан шәһәре KZN.RU, 25-нче февраль). 2019 елда Казанның Киров һәм Мәскәү районнарында 36 юл, 13 квартал эчендәге юл һәм 49 ишегалды территориясе капиталь ремонтланды. Эш барышында юл катламын яңартып кына калмыйча, уңайлы тукталыш павильоннары, яңа юл билгеләре, «Уңайлы мохит» программасы кысаларында баскыч төшә торган урыннар һәм пандуслар да урнаштырдылар. Быел районнарда инфраструктура үсеше дәвам итәчәк - аерым алганда, «Безнең ишегалды» республика программасы буенча ишегалларын төзекләндерү, яңа социаль объектлар төзү һәм башкалар планлаштырыла. 2019 елның төп нәтиҗәләре һәм агымдагы елга планнар турында Казан Мэры Илсур Метшинга Киров һәм Мәскәү районнары администрациясе башлыгы Сергей Миронов хисап тотты.

Автомобиль юлларының торышы уңайлы шәһәр тирәлеген тәэмин итүдә хәлиткеч әһәмияткә ия, дип билгеләп үтте С.Миронов. Ул хәбәр иткәнчә, 2019 елда Киров һәм Мәскәү районнарында 325 мең кв.метр юл катламы капиталь ремонтланды. «Имин һәм сыйфатлы автомобиль юллары» илкүләм проекты буенча 261,89 млн сумлык 88,7 мең кв.метр юл катламы яңартылды.

«Бу районнарның бөтен территориясендә чагылды: урам-юл челтәре, ял лагерьларына керү юллары, тимер юл платформаларына якын килү юллары, ишегаллары, баскычтан төшү урыннары ремонтланды, - дип билгеләп үтте С.Миронов. - Инклюзив мохитне тәэмин итү өчен өстәмә 200 пандус ясалды, ә бистәләрдә 500-гә якын яңа яктырткыч барлыкка килде». Игумново, Җиләкле бистәсе, Займище, Залесный, Яңа Аракчино, Красная Горка, Иске Аракчино, Калинин һәм Яңа Юдино бистәләрендә яңа яктырту җайланмалары барлыкка килде, дип өстәде ул.

Моннан тыш, районнарда социаль өлкә объектларын, шул исәптән мәгариф учреждениеләрен ремонтлау һәм төзү эшләре актив алып барылды. WorldSkills чемпионатына 72 млн сумлык 10 белем бирү оешмасы ремонтланды, дип хәбәр итте район администрациясе башлыгы. Шулай ук 92, 288, 355-нче номерлы мәктәпкәчә белем бирү учреждениеләренә капиталь ремонт ясалды, ә иң мөһим вакыйгаларның берсе - дүрт яңа балалар бакчасын төзү, аларга бүген 1153 бала йөри.

Бүгенге көндә район халкының 47,6%-ы даими рәвештә спорт белән шөгыльләнә, дип билгеләп үтте С.Миронов. 2019 елда районнарда 6 спорт универсаль мәйданчыгы төзелде. Хәзерге вакытта район территориясендә барлыгы 472 физик культура һәм спорт объекты исәпләнә.

2019 елда капиталь ремонттан соң «Батыр» дзюдо үзәге ачылды, анда 1 меңнән артык кеше шөгыльләнә. «Юдино»да боз аренасын һәм «Локомотив» стадионын ачу иң әһәмиятле вакыйгалардан булды, соңгысы реконструкциянең беренче этабы тәмамланганнан соң эшли башлады. 2020 елга, С.Миронов сүзләренә караганда, ремонт эшләренең икенче чираты планлаштырылган.

Шәһәр тирәлеген камилләштерүдә тагын бер мөһим этап - Ильич ур., 28 адресы буенча күп функцияле үзәкнең Юдино бүлеген ачу. Офис 180-гә якын хезмәт күрсәтә һәм Юдино һәм бистә тирәсендә яшәүче 30 мең кешегә хезмәт күрсәтү өчен билгеләнгән. Элегрәк аларга әлеге хезмәтләр артыннан күп функцияле үзәкнең Коләхмәтов урамындагы Мәскәү офисына мөрәҗәгать итәргә туры килде, дип искәртте С.Миронов.

Районнар территорияләрен тәртипкә китерергә яшелләндерү һәм чәчәкләрне бизәү эшләре мөмкинлек бирә. Район территориясендә җәйге чорда 13 меңгә якын яшел үсенте эшкәртелгән, алар 46 шәһәр урамын бизи. «Шәһәрнең «Аккош күле» урман-паркында иҗтимагый киңлекләр үзгәртелде – анда юллар төзекләндерелде, яктырту үткәрелде, ял итү һәм вакытны күңелле үткәрү өчен уңайлы шартлар тудырылды», – дип өстәде С.Миронов.

2020 елда районнарда 80 төрле проектны гамәлгә ашыру планлаштырыла, алар шәһәрлеләрнең тормыш сыйфатына турыдан-туры йогынты ясый, дип хәбәр итте докладчы. Алар арасында юлларны, йортларны капиталь ремонтлау программаларын гамәлгә ашырудан тыш, С.Миронов биш балалар бакчасы төзелешен, Тимерьюлчылар мәдәният сараен капиталь ремонтлауны һәм Юдино бистәсендәге «Локомотив» стадионын реконструкцияләүне, ике балалар бакчасын, 4-нче номерлы гимназия-интернатны, ике яшүсмерләр клубын капиталь ремонтлауны билгеләп үтте. Перспектив планнарда шулай ук Балыкчы бакчасын төзекләндерү дә бар.

Бүгенге көндә Киров һәм Мәскәү районнары территориясендә 250 мең кеше яши.