Казан Мэры Балалар һәм яшьләр эшләре комитетының яңа башлыгы турында

(Казан шәһәре KZN.RU, 5-нче июль, Екатерина Виславская). Казан Мэры Илсур Метшин бүген шәһәр Башкарма комитетының структур бүлекчәләре җитәкчеләренә яңа коллега – Минтимер Ногмановны тәкъдим итте. Ул Балалар һәм яшьләр эшләре комитеты рәисе урынын алачак. Исегезгә төшерәбез, әлеге вазифага кандидатларны сайлап алу финалында узган атнада 6 дәгъвачы катнашты, ә барлыгы 80 кеше гариза бирде.

«Бу кеше яшьләр арасында яхшы таныш, әмма ышаныч социаль челтәрләрдә популярлык өчен күрсәтелмәде. Чынлыкта без Казанда яшьләр тормышын яхшыга үзгәртергә теләгән якты лидерны күрдек. Ул кызыклы, стандарт, гадәти булмаган идеяләр белән чыгыш ясады һәм, иң мөһиме, үз презентациясендә безгә аларны тормышка ашыру юлларын тәкъдим итте. Кешенең кайсы юнәлештә хәрәкәт итәргә кирәклегенә карашы булу һәрвакыт мөһим. Һәм, үзе әйткәнчә, аның өчен бу зур чакыру. Алда торган эшләрнең масштабын аңлау мөһим», – дип билгеләде шәһәр башлыгы.

Илсур Метшин сүзләренә караганда, әлеге карар коллегиаль рәвештә кабул ителгән, бәхәсләрсез генә түгел – кандидатуралар турында фикер эксперт комиссиясе  әгъзалары тарафыннан озак һәм кайнар  алышынган. Исегезгә төшерәбез, аның составына Казан МО башлыгының беренче урынбасары Денис Калинкин, шәһәр Башкарма комитеты җитәкчесе Рөстәм Гафаров, ТР яшьләр эшләре министры Дамир Фәттахов, Башкарма комитет җитәкчесенең социаль мәсьәләләр буенча урынбасары Гүзәл Сәгыйтова, Казан Башкарма комитеты Аппараты җитәкчесе Булат Алеев керде. Исегезгә төшерәбез, сайлау июнь башында старт алды, 80 гариза керде. Сайлап алу этабыннан соң финалга Казан Башкарма комитетының Балалар һәм яшьләр эшләре комитеты рәисе вазифасына алты дәгъвачы чыкты. Финал 1-нче июльдә Казан Ратушасында узды, казанлылар  катнашучыларның чыгышларын онлайн күзәтә алды.

Казан Мэры билгеләп үткәнчә, элегрәк Балалар һәм яшьләр эшләре комитеты рәисе вазыйфасын Башкарма хакимият органнарында эшләү тәҗрибәсе булган кешеләр биләгән. Ләкин Минтимер Ногмановның өстенлеге шунда ки, ул яшьләрнең ничек һәм нәрсә белән яшәвен яхшы белә. «Без аның безне, шәһәр хакимиятен ничек тәнкыйтьләгәнен игътибар белән күзәттек. Без һәрвакыт конструктив тәнкыйтькә уңай карыйбыз. Читтән караганда яхшырак күренә, шуңа күрә тәнкыйть – һәрвакыт алга этәргеч. Хәзер ул бу эшкә эчтән карый ала һәм, партиядә әйтелгәнчә, тәнкыйтьлисең икән – тәкъдим ит, тәкъдим итәсең икән – эшлә, – дип аңлатты Илсур Метшин. – Ни өчен әле без читтән килгән кешегә тукталырга карар кылдык? Безгә яңа караш кирәк, бигрәк тә әтиләр һәм балалар кебек гади булмаган мәңгелек мәсьәләдә. Команда составында яңа карашлы, формаль булмаган, безне дә бу эштә уятучы чын кеше булу бик мөһим , Казанда халыкның өчтән бере булган яшь кешеләр белән бер телдә сөйләшү. Бу актив, креатив, эшлекле, дөньяны яхшы якка үзгәртергә теләүче яшьләр».

Илсур Метшин шулай ук муниципаль хезмәт тәҗрибәсе булмау сәбәпле, Минтимер Ногмановның эштән тиз генә күңеле кайтуы мөмкин, дигән борчуга җавап бирде. «Курыкмыйбыз. Беренчедән, мондый тәҗрибә бездә булды инде, – диде Илсур Метшин һәм ике капма-каршы мисал китерде: уңышсызы – Киров районы администрациясенең элеккеге башлыгы Александр Сергеев һәм бик уңышлысы – Казан Мэрының элеккеге ярдәмчесе Дмитрий Еремеев. – Мин һәрвакыт үз-үзең өчен тар сегментта акча эшли белү – бер эш, ә  төрле категориядәге кешеләргә: пенсионерларга, балаларга, эшкуарларга, мәдәният эшлеклеләренә, җәмгыятькә хезмәт итә белү – икенчесе, дим. Бу бик катлаулы хезмәт. Сорау, барыннан да элек, кешегә – ул чакыруны кабул итәрме, бөтен кеше өчен дә яшәргә өйрәнерме? Яшьләр арасында барысы да актив түгел бит: кемдер китап укырга ярата, кемдер – поэзия, кемдер – рәсем ясарга, кемдер – брейк-данс, ә кемдер бернәрсә дә яратмый. Залда утыручыларның таланты – үз йөрәгендә, үз хезмәтендә һәркемгә мәхәббәт берләштерү. Без Минтимер Ногмановның барысын да булдыруын телибез!»

Сайлап алуның башка финалистлары да читтә калмаячак, аларны эксперт комиссиясе күрде һәм шәһәр файдасына эшне дәвам итәчәкләр. «Без финалда катнашучыларның барысын да күрдек. Һәр бәйге безгә яңа йөзләр күрсәтә. Шулай килеп чыкты ки, мин күпләрне, җиңүчене дә кертеп, беренче тапкыр күрдем», – диде Мэр.

Сайлап алуның яшь катнашучысы – 12 яшьлек Илдар Гыйниятовка килгәндә, аңа укуын тәмамларга һәм үз идеяләрен киләчәктә тормышка ашырырга туры киләчәк. «Без аның гаризасы турындагы мәгълүматны елмаеп кабул иттек, тик бу чыннан да мәктәптә лидер булып чыкты, ул инде төрле проектларда катнаша. Мондый яшь казанлыларның башкаланың олы тормышында катнашырга теләүләре бик мөһим. Без аңа укуын һәм югары уку йортын уңышлы тәмамлаганнан соң, теләгенең һичшиксез тормышка ашырылуын телибез, ул Казанны шәһәр Мэриясендә, эшкуарлыкта яки ниндидер шәхси проектта үзгәртәчәгенә бәйле түгел. Мондый яшьләрнең һичшиксез барысы да килеп чыгачак!»

Соңыннан Казан Мэры Минтимер Ногмановка уңышлар теләде һәм  хезмәттәшләрен аны хупларга чакырды.