ТР Министрлар Кабинетында Универсиада-2013 партнерлары белән чираттагы килешүләр төзелде

(KZN.RU, 12-нче апрель). "Казан 2013 Башкарма дирекциясе" АНО белән “Panasonic Россия”, “Данон-Юнимилк” КТ, “Эколаб” ЯАҖ компанияләре арасында партнерлык шартнамәләрен имзалау тантанасы кичә Татарстан Республикасы Министрлар Кабинетында узды.

 Әлеге тантанада Татарстан Республикасы Президенты Р.Н. Миңнеханов, Казан Мэры Илсур Метшин, "Казан 2013 Башкарма дирекциясе" АНО генераль директоры Владимир Леонов, “Panasonic Россия” генераль директоры Судзуки Сигэо, “Данон-Юнимилк” компанияләр төркеме “Данон-Юнимилк-Волга” Россиядәге вәкиллегенең идарәче директоры Кустэ Стефан Станислас, “Эколаб” ЯАҖ вице-президенты һәм генераль директоры Вацлав Харант катнаштылар.

“Panasonic Россия” компаниясе “Видеомәгълүматны чагылдыру җайланмалары һәм видеоконференцияләр өчен җиһазлар” категориясендә Казан шәһәрендәге 2013 елгы XXVII Бөтендөнья җәйге универсиадасының партнеры булды. Судзуки Сигэо хәбәр иткәнчә, бу компания Россиядә катнашучы иң масштаблы программа.

 Универсиаданың “Сөт продукциясе” категориясендә “Данон-Юнимилк” компанияләре төркеме рәсми партнеры булды һәм спортчылар өчен төп ресторанда сөт продукциясенә булган ихтыяҗларны тулысынча канәгатьләндерергә җыена. Владимир Леонов сүзләренчә, бу 100 тоннадан артык төрле төрдәге сөт продукциясе. Компания өчен бу шартнамә - эре спорт проектлары белән хезмәттәшлекнең беренче тәҗрибәсе.

“Эколаб” компаниясе “Гигиена һәм чисталык технологияләре” Универсиада авылы, Халыкара мәгълүмат үзәге һәм башка спорт объектлары территориясендә чисталык өчен әйберләр һәм җайланмалар китереп торучы рәсми партнер ролен үтәячәк.

Партнерлык шартнамәләренә имза салу тантанасы алдыннан Татарстан Республикасы Президенты Р.Н. Миңнеханов бүген Татарстан Универсиада 2013 партнер компанияләре белән мөнәсәбәтләрен юридик яктан беркетү мөмкинлегенә бик шат дип белдерде. Аның сүзләренчә, Казандагы Универсиада иң югары дәрәҗәдә узачак һәм компаниияләр үзләрен бөтендөньяга таныттырачаклар.

Рөстәм Миңнеханов шулай ук партнерлык мөнәсәбәтләре халыкара дәрәҗәдәге бүтән спорт чараларны уздыру кысаларында да дәвам итәренә ышанычын белдерде, дип хәбәр итә ТР Президенты матбугат үзәге.