Казан Мэры поселокларда чүп җыю өчен контейнер мәйданчыклары санын арттырырга кушты

(Казан шәһәре KZN.RU, 15 нче май, Юлия Летникова). Быел поселокларда каты коммуналь калдыклар җыю өчен 26 контейнер мәйданчыгы җиһазландырырга планлаштыралар. Бүген Казан Мэры Илсур Метшин чүп җыю урыннарын өстәмә рәвештә арттырырга, һәр торак массивтагы вәзгыятьне анализларга һәм контейнер мәйданчыкларын карап тоту буенча тәкъдимнәр әзерләргә кушты.

Бүгенге көндә шәһәр поселокларында чүп җыю өчен 414 мәйданчык булдырылган, әмма бу җитәрлек түгел. Ревизия нәтиҗәләре буенча Казанның торак массивларында тагын 298 чүп җыю урынын җиһазлау таләп ителә. Узган ел Илсур Метшин боерыгы буенча 47 мәйданчык төзелде һәм ремонтланды. 

«Без поселокларда нәрсә булганын күрәбез, бу төбәк операторы тарафыннан нәтиҗәсез реакция. Без эшне инициативалы тәртиптә генә төзи алмыйбыз», - диде Илсур Метшин. «Әлбәттә, поселоклардагы проблемаларны хәл итәргә кирәк, әлеге планда җитешсезлекләрбез бар. Быел төзеләчәк контейнер мәйданчыклары санын яңадан карап чыгу тәкъдимен әзерләвегезне сорыйм. Әйдәгез, тыгызрак эш графигын алыйк. Һәр район башлыгы, акча бүлеп бирү, мәйданчыкларны төзекләндерү һәм иң мөһиме – аларны рәсмиләштерү өчен, җәй дәвамында мәйданчыкларны кайда төзи алуыбыз турында хәбәр итәргә тиеш», - диде ул. 

Башкарма комитет җитәкчесе урынбасары Искәндәр Гыйниятуллин шулай ук поселокларда яшәүче күпчелек халык белән контейнер мәйданчыкларын тоту өчен килешүләр төзелмәвен билгеләп үтте. Моның сәбәбе – хокукый коллизия – төрле шартлар аркасында мәйданчыклар рәсмиләштерелмәгән, әмма бүген бу мәсьәләләр хәл ителә, мәйданчыклар теркәлә. 

«Күп фатирлы йортларда яшәүчеләр чүп-чар чыгару һәм мәйданчыкларны карап тоту өчен түлиләр, әмма поселокларда яшәүчеләр, ә бездә алар 220 мең –Казанның һәр 6 нчы кешесе – чүп-чар чыгару өчен генә түли. Бу сорауларны тиз һәм оператив хәл итәргә кирәк. Икенче йөкләмәм – контейнер мәйданчыкларын тоту буенча тәкъдим кертү. Бу өлкәдә дә тәртип урнаштырырга кирәк», - дип ассызыклады И.Метшин.