Илсур Метшин Идел буе федераль округы субъектлары башкалалары җитәкчеләренең февраль ае медиарейтингын әйдәп бара

(Казан шәһәре KZN.RU, 4-нче март). Казан Мэры Илсур Метшин 2020 елның февралендә Идел буе федераль округы субъектлары башкалалары җитәкчеләренең медиарейтингын җитәкли.

Федераль һәм төбәк массакүләм мәгълүмат чараларын анализлау нәтиҗәләре буенча Казан Мэрының медиаиндексы 13926,5 пунктны тәшкил иткән. Массакүләм мәгълүмат чараларында Казан шәһәр Думасы депутатлары Татарстан башкаласының 2040 елга кадәр генераль планын раслауларын хәбәр итте, Илсур Метшин документны эшләүдә катнашкан барлык кешеләргә рәхмәт белдерде. Шулай ук массакүләм мәгълүмат чараларында республика башкаласы Мэры җәмәгатьчелекнең Казанга «Хезмәт батырлыгы шәһәре» дигән мактаулы исем бирү инициативасын хупларга тәкъдим итүе турында хәбәр чыкты. Моннан тыш, Казан башлыгы «Казан ярминкәсе»ндәге «Микрофабрикалар. Казан» күргәзмәсе кысаларында  үзмәшгульләргә ярдәм итү өчен 10 млн.сум бүлеп бирергә тәкъдим итте, бу үз эченә 100-әр мең сумлык 100 грантны алачак.

Икенче урында – Саратов мэры Михаил Исаев (11734 пункт), өченчедә - Түбән Новгород башлыгы Владимир Панов (5943,2 пункт).

Рейтинг «Медиалогия» мәгълүмати-аналитик системасы тарафыннан массакүләм мәгълүмат чаралары базасы нигезендә төзелгән, ул 54 меңнән артык чыганакны үз эченә ала: ТВ, радио, газеталар, журналлар, мәгълүмати агентлыклар, интернет-ММЧ. Казан Мэры Идел буе федераль округы субъектлары башкалаларының җитәкчеләре арасында медиарейтингны берничә тапкыр җитәкләде.