И.Метшин: «Раштуа көннәре шатлык, күңел җылысы һәм якты киләчәккә ышаныч белән тулы булсын!»

(Казан шәһәре KZN.RU, 7-нче гыйнвар). Казан Мэры Илсур Метшин шәһәрнең православие динендәге халкын Раштуа бәйрәме белән котлады.

«Хөрмәтле казанлылар!

Барлык православие динендәгеләрне Раштуа бәйрәме белән чын күңелдән котлыйм! Әлеге бөек бәйрәм күп гасырлар дәвамында дин тотучыларны уртак кыйммәтләр тирәсенә  берләштерә, кешеләрнең йөрәгендә якты өмет уята, мәрхәмәтлек, шәфкатьлелек һәм якыннар турында кайгыртучанлыкка чакыра.

Рус Православие чиркәве, үзара хөрмәт һәм күршелекнең күп еллык традицияләрен дәвам итү өчен мөһим терәк булып, үсеп килүче буынны рухи-әхлакый яктан тәрбияләүгә зур өлеш кертә, диннәр арасындагы диалогны үстерүгә ярдәм итә. Еллар дәвамында тупланган әлеге тәҗрибә күпмилләтле Казанда тынычлыкны һәм татулыкны саклап калырга булышыр дип ышанам.

Чын күңелдән сезгә сәламәтлек, бәхет һәм яңа уңышларга ирешү өчен көч-куәт телим! Раштуа көннәре шатлык, күңел җылысы һәм якты киләчәккә ышаныч белән тулы булсын!» - диелә котлауда.