Казан Мэры яңа кадрлар билгеләнеше турында хәбәр итте

(Казан шәһәре KZN.RU, 9-нчы декабрь, Ксения Швецова). Бүген эшлекле дүшәмбе вакытында Казан Мэры Илсур Метшин яңа кадрлар билгеләнеше турында хәбәр итте.

Ачык сайлап алу үткәргәннән соң, Иске Татар бистәсе префекты вазыйфасын элек Казанның Авиатөзелеш һәм Яңа Савин районнары администрациясе башлыгының беренче урынбасары булып эшләгән Роберт Гарипов алды, дип искәртте И.Метшин. Моңарчы шәһәр төзелешенә рөхсәтләр бирү идарәсе башлыгы булып эшләгән Наил Галеевны район хакимияте башлыгының беренче урынбасары итеп  билгеләгәннәр.

«Шуңа бәйле рәвештә, Марсель Габделхаков яңа бурычларга күчте – ул шәһәр төзелешенә рөхсәтләр бирү идарәсен җитәкли башлады, - дип хәбәр итте И.Метшин. – Аның эш тәҗрибәсе зур, озак вакытлар торак сәясәте идарәсен җитәкләде. Тәҗрибә, һөнәри осталык һәм җыйнаклык аңа яңа постта нәтиҗәле эшләргә ярдәм итәр дип ышанасы килә».

Торак сәясәте идарәсен Ренат Шәмсетдинов җитәкли, ул 2011 елдан –  идарә башлыгы урынбасары, Ә 2013 елдан беренче урынбасары булып эшли. «Ул шулай ук профессиональ яктан да әзер һәм үз үрнәгендә безнең акыллы җитәкчеләребез күп булуын раслый», – дип билгеләде Мэр һәм барысына да яңа вазыйфаларда уңышлы эш теләде.