Илсур Метшин: «Юлларның һәм тротуарларның торышын контрольдә тотарга кирәк»

(Казан шәһәре KZN.RU, 9-нчы декабрь, Ксения Швецова). Бүгенге эшлекле дүшәмбе вакытында Казан Мэры Илсур Метшин юлларның торышын карап торырга һәм шәһәрлеләрнең кар чистарту турындагы хәбәрләренә һәм фикерләренә вакытында җавап бирергә кушты.

«Казанга әле кыш килергә ашыкмый. Әмма беренче кар да явып китте, зур булмаган кар көртләрен дә күреп өлгердек, температура режимы да уйнады, – диде И.Метшин. - Юл хезмәтләрен, Тышкы төзекләндерү комитетын, барлык предприятиеләрне, торак биналарның һәм офис биналарының милекчеләрен юлларның, тротуарларның торышын, җәмәгать транспорты тукталышларына карашларны контрольдә тотуларын сорыйм».

Казанда узган тәүлектә урамнардан 1125 тонна кар чыгарылган, ә кыш башланганнан бирле – 16986 тонна кар, дип хәбәр итә Тышкы төзекләндерү комитеты. Шул ук вакыт эчендә шәһәр юлларында 7324 тонна реагент һәм тоз-ком катнашмасы кулланылган. Бүген көндез шәһәрне җыештыруда 430 юл эшчесе һәм 242 махсус техника берәмлеге катнашыр дип көтелә.

Район администрацияләрендә кар чистарту буенча кайнар линияләр эшли:

Авиатөзелеш һәм Яңа Савин районнары– 8 (843) 555-07-96, 8 (843) 519-34-06;

Вахитов һәм Идел буе районнары– 8 (843) 277-02-10, 8 (843) 292-51-89;

Киров һәм Мәскәү районнары - 8 (843) 557-76-10;

Совет районы - 8 (843) 295-77-05.