Илсур Метшин "Булгария" фаҗигасе булу сәбәпле ялын өзде

Гадәттән тыш хәлләр министрлыгының Татарстан Респубикасы буенча Баш идарәсендә “112” кайнар линия телефоны һәм оператив штабта (843) 227-46-56, 292-27-72, 293-09-00 кайнар линия телефоннары эшли.

(KZN.RU, 11-нче июль). Казан Мэры Илсур Метшин кичә Иделдә булган фаҗига сәбәпле ялын өзде һәм шәһәргә кайтты. Шәһәр Мэры һәлакәткә очраганнарга ярдәм күрсәтү буенча шәһәр штабын җитәкләде. Бу хакта бүген “дүшәмбе киңәшмәсе” барышында беренче вице-мэр Иршат Минкин хәбәр итте.

“Дүшәмбе киңәшмәсе” оператив режимда узды: планлаштырылган сорауларны тикшерү кичектерелде, шәһәр Башкарма комитеты хезмәтләренең җитәкчеләре һәлакәткә тарыганнарга ярдәм итү өчен җәлеп ителде.

Исегезгә төшерәбез, Болгардан Казанга юл тоткан “Булгария” ял итү теплоходы 10 июль көнне көндезге 2 сәгатьтә һәлакәткә тарган һәм баткан.

РФ Гадәттән тыш хәлләр министрлыгының Татарстан Республикасы буенча баш идарәсенең оператив штабы мәгълүматларына караганда, суднода 199 кеше булган.
Гадәттән тыш хәлләр министрлыгының Татарстан Респубикасы буенча Баш идарәсендә “112” һәм оператив штабта (843) 227-46-56, 292-27-72, 293-09-00 кайнар линия телефоннары эшли, алар буенча коткарылган, зыян күргән һәм үлүчеләр хакында мәгълүмат алып була.