Илсур Метшин: «Казан гасырлар дәвамында мәдәниятләр арасындагы алмашу һәм диалогның куәтле үзәге булып кала» Хәбәрләр

И.Метшин: «Ташландык зоналарны җәлеп итү нокталарына әйләндерү – шәһәрнең тотрыклы үсешен ачыклый торган гамәл ул»

Казан мэры башкаланың яңа микрорайоны өчен инженерлык челтәрләрен сузу эшләрен тикшерде

Казан мэры: «Милли тел аралашу чарасы булу белән бергә, халыкка шатлык китерә торган иҗади мәйданчык коралына әйләнә»
Илсур Метшин: «Казан гасырлар дәвамында мәдәниятләр арасындагы алмашу һәм диалогның куәтле үзәге булып кала»
И.Метшин зооботаника бакчасын төзекләндерү турында: «Бу буяу һәм бизәү эшләре генә түгел, бу тарихи күренешне кире торгызу дигән сүз»
Илсур Метшин: «Инклюзив мохит – Казан үсешенең төп юнәлеше»
Казан мэры: «Инклюзия проектлары ярдәмендә шәһәр яхшыра бара»
И.Метшин: «Безгә Казанның яшьләр өчен мөмкинлекләр шәһәре буларак үсүе мөһим!»
Илсур Метшин Мирный бистәсендә төзелә торган ат спорты комплексында булып кайтты
Илсур Метшин «Берләшкән шәһәрләр һәм җирле хакимиятләр» оешмасының Бөтендөнья Советында Евразия шәһәрләренең тәкъдимнәрен яңгыратты
Казан мэры БРИКС+ илләре шәһәрләре һәм муниципалитетлары ассоциациясе утырышында катнашты
Казан мэры янәдән «Берләшкән шәһәрләр һәм җирле хакимиятләр» Бөтендөнья оешмасының Евразия бүлеге президенты итеп сайланды
И.Метшин «Берләшкән шәһәрләр һәм җирле хакимиятләр» оешмасының Генераль ассамблеясендә Казанда инклюзив мохит төзү тәҗрибәсен тәкъдим итте
Илсур Метшин «Берләшкән шәһәрләр һәм җирле хакимиятләр» оешмасының Бөтендөнья конгрессында катнаша

Август һәм июль айларында Горький исемендәге паркта Идел буе халыклары гореф-гадәтләрен берләштерүче милли чаралар мәйданчыгы булачак. Эшлекле дүшәмбедә «Итил» һәм «Шәҗәрә» мәдәни фестивальләрен уздыру планнары турында Казан башлыгы урынбасары Гүзәл Сәгыйтова сөйләде.

«Итил»: буыннар элемтәсен чагылдыру фестивален уздыру һәм яңа сәнгать объектлары ясау

Алтынчы «Итил» этник мәдәният фестивале 9 августта узачак. Аның төп темасы – «Без – тамырларның дәвамы» – буыннар арасындагы өзелмәс элемтәне һәм төбәк халыкларының мәдәни бердәмлеген чагылдыра.

Фестивальнең сәхнәсе табигый материаллар – мүк, агач ботаклары белән бизәләчәк. Рәссам Женя Нәбиева халыклар бердәмлеге билгесе буларак Иделгә багышланган «Елга белән кушылганнар» рәсемен тәкъдим итәчәк. Килүчеләр әсәрнең автордашлары була алачак: мастер-класслар вакытында кунаклар гомуми сурәт өчен бизәлешләр ясаячак. Инсталляция фестиваль тәмамланганнан соң паркта урнаштырылачак.

Мәйданчыкта авыз итеп алу өчен ризыклар сату зонасы һәм ярминкә оештырыла, шулай ук музыкаль программа әзерләнәчәк.

Оештыручылар фестиваль ярминкәсе өчен катнашучыларны җыя. Гореф-гадәтләрне заманча алымнар кулланып яңача иҗат итүче һөнәрчеләр һәм эшмәкәрләр чакырыла.

Гаризаны 30 июньгә кадәр бирергә мөмкин.

«Шәҗәрә»: су куллану йолаларын искә алу һәм вакыйганың юбилеен бәйрәм итү

15 июль Горький исемендәге паркта «Шәҗәрә» фестивале узачак, быел ул үзенең биш еллыгын билгеләп үтә. Программаның төп темасы Идел буе халыклары мәдәниятендә су куллану йолалары булачак.

Кичәнең программасында милли хуҗалыклар, фотосурәтләр күргәзмәсе һәм тематик мастер-класслар, спорт ярышлары, Татарстан, Чувашия һәм Марий Эл фольклор коллективлары катнашында зур концерт каралган.

Бәйрәм чараларыннан тыш, «Шәҗәрә» проекты белем бирүне дә үз эченә ала. Май аенда мәдәният йортлары хезмәткәрләре өчен семинар узган, ә көз башына тагын бер һөнәри тиз укулар планлаштырылган.

«Казан мәдәниятләр арасындагы алмашу һәм диалогның куәтле үзәге булып тора, һәм бу гасырлар дәвамында шулай булып кала. Без Идел буе халыкларын – Чувашия, Марий Эл, Удмуртия, Мордовия, Башкортстаннан килгән кадерле күршеләребезне – «Итил» һәм «Шәҗәрә» фестивальләрендә берләштерәбез. Бу безнең Россия халыклары бердәмлеге елына керткән өлешебез», – дип билгеләде Илсур Метшин.