Ирек Фәйзуллинга һәм Фәрит Мөхәммәтшинга «Казанның Мактаулы гражданины» исеме бирелә
алга таба укырга-
И.Метшин «Безнең ишегалды – 2026» программасы турында: «100 меңнән артык Казан халкы күптән көтелгән үзгәрешләрне күрәчәк»
-
И.Метшин: «Ял» үзәге лагерьларына юлламаларның өчтән берен балалар бушлай ала»
-
Илсур Метшин инклюзив үзәкләр турында: «Сез ата-аналар өчен үзәкләрнең эшен никадәр мөһим булуын күз алдына да китерә алмыйсыз»
-
И.Метшин: «Кунаклар Казанның тарихи матурлыгы, аның чисталыгы һәм төзеклеге турында әйтәләр. Бу безнең визит карточкасы»
-
И.Метшин: «Җәйге инклюзив ял сменаларын оештыру – безнең ил өчен дә яңа күренеш»
-
Илсур Метшин: «Горький шоссесы дублерының дәвамы – ул безнең өчен гаять әһәмиятле проект»
-
И.Метшин башкаланы чәчәкләр белән бизәү хакында: «Әлеге гүзәллек шәһәребездә яхшылыктан һәм матурлыктан торган мохит булдыра»
-
И.Метшин: «Быел 30 бистәдә 40 чакрым юл төзекләндереләчәк»
-
И.Метшин: «Иң көчле клуб җиңү яуласын, әмма бу клуб «Ак Барс» булсын!»
-
Казанлылар «Безнең ишегалды» программасы турында: «Безнең барлык теләкләребез ишетелде»
-
И.Метшин: «Һәр ныклы бәхетле гаилә – бердәм гаилә булып яшәгән шәһәребезнең төп өлеше»
-
Илсур Метшин Восстание урамын төзекләндерү эшләрен тикшерде
И.Метшин: «Җәйге инклюзив ял сменаларын оештыру – безнең ил өчен дә яңа күренеш»
Быел «Игелекле Казан» коммерцияле булмаган автоном оешмасы «Ял» үзәгенең шәһәр яны лагерьлары һәм инклюзив үзәкләр базасында гадәттәгечә җәйге инклюзив сменаларны башлап җибәрә. Быелгы җәйге чорда сәламәтлек мөмкинлекләре чикләнгән 400 бала өчен 16 махсус смена оештырыла. Бу хакта эшлекле дүшәмбедә «Игелекле Казан» коммерцияле булмаган автоном оешмасы директоры Татьяна Мерзлякова хәбәр итте.
«Җәйге инклюзив ял сменаларын оештыру – республика һәм Идел буе төбәкләре өчен генә түгел, ә бөтен ил өчен дә яңа күренеш, дип тулы ышаныч белән әйтергә була. Элек сәламәтлек мөмкинлекләре чикләнгән баланы ялгызы гына лагерьга җибәрергә мөмкин дип, күз алдына да китереп булмый иде. Моның өчен лагерьны да, хезмәткәрләрне дә махсус әзерләү таләп ителә. Үзенчәлекле балаларга ял итү мөмкинлеген тәэмин итү «Игелекле Казан» коллективының, Балалар һәм яшьләр эшләре буенча комитетның һәм «ЯЛ» үзәгенең һичшиксез казанышы, дип атыйм», – дип ассызыклады Казан мэры Илсур Метшин.
Шәһәрдә җәйге сменалар балаларның яшенә һәм авыру төрләренә карап оештырылачак. Июньдә сменалар «Луч-Нур» һәм «Вместе-Бергә» үзәкләрендә узачак, июльдә балаларны «Тылсым» үзәгендә көтәчәкләр, ә августта балалар өчен махсус программа «Крылья» үзәгендә әзерләнәчәк. Аларда барлыгы 400ләп бала катнаша алачак, дип хәбәр итте Татьяна Мерзлякова.
«Ял» үзәгенең шәһәр яны лагерьлары базасында инвалид балалар өчен стационар сменалар да ачылачак. «Заречье» балаларны савыктыру лагеренда 19 июньнән 26 июньгә кадәр «Игелекле Казан» спорт юнәлешләренә йөрүче балалар өчен смена узачак. «Восток» лагере 29 июльдән 8 августка кадәр 10 яшьтән 17 яшькә кадәрге балалар өчен үз ишекләрен ачачак, ә «Бригантина» лагеренда 21 августтан 26 августка кадәр 17 яшьтән өлкәнрәкләр өчен смена булачак.
Моннан тыш, июль һәм август айларында Кама Тамагында инвалид балалар тәрбияләүче гаиләләр өчен ял көннәре сменалары оештырылачак. Программада балык тоту, саф һавада уеннар, канистерапия (махсус өйрәтелгән этләр белән дәвалану) һәм башка чаралар каралган.
«Игелекле Казан» инклюзив сменаларында катнашу бушлай. Җәдвалны карау һәм җәйге ялга язылу өчен, оешманың рәсми сайтында «Инклюзив җәй» бүлеген ачырга кирәк.
Өстенлекле ял итү лагерьларына килү хокугын махсус хәрби операциядә катнашучылар гаиләләреннән инвалид балалар алачак, дип хәбәр итте докладчы.
Гадәттәгечә, үзенчәлекле балаларның абый-апалары да аралашу һәм лагерьларда җайлашу иптәше сыйфатында «Игелекле Казан» лагерьларына һәм инклюзив киңлекләренә эшкә чакырылачак. Эшкә урнашу Россия яшьләре гранты хисабына башкарыла һәм инвалид балалы гаиләләргә ярдәм итүгә дә, киләчәктә үзенчәлекле балалар тәрбияләү белән бәйле һөнәр сайлау теләге булган яшүсмерләргә һөнәри юнәлеш бирүгә дә юнәлдерелгән.