Илсур Метшин халыкка опрессовка вакытында кайнар суны туктату турында оператив рәвештә хәбәр итәргә кушты

(Казан шәһәре KZN.RU, 15 нче май, Юлия Летникова). 16 нчы майда Казанда «Татэнерго» челтәрләрен опрессовкалау һәм ремонтлау башланачак, ә күптән түгел «Казэнерго» челтәрләрендә эшләр башланган иде. Гадәттәгечә, гидроопрессовкалар вакытында казанлыларның йортларында кайнар суны туктаталар. Шәһәр Мэры Илсур Метшин бүген узган эшлекле дүшәмбедә сүндерү графигын үтәргә һәм халыкка оператив рәвештә хәбәр итәргә кушты.

«Шәһәргә көннән-көн яз кәефе керә, бу атнада температура җәйге булачак диләр. Узган атнада «Казэнерго» җылылык челтәрләрендә актив эш башланды, бу атнадан «Татэнерго»га тоташтырылган йортлар челтәрләрен опрессовкалау башлана, ә бу йортларның 76% тан артыгы шуңа бәйле рәвештә кайнар сусыз калачак», – диде Мэр. 

И.Метшин челтәр оешмалары, идарәче компанияләр җитәкчеләренә, район башлыкларына опрессовкалау графигын үтәргә кушты. «Яңалык юк – бар да һәрвакыттагыча, мин бу мәсьәләләрдә халыкка игътибарлы һәм хөрмәт белән карауларын сорыйм. Вакытыннан авышкан һәр көн шәһәр халкының кәефенә һәм уңайлылыгына тәэсир итә. Шуңа күрә ниндидер эш моментлары, сораулар булган җирдә, халыкка хәбәр итегез. Өйдәге җаваплы кешеләр аша, чатларда, һичшиксез, халыкка хәбәр итегез һәм мәгълүматны оператив рәвештә җиткерегез», – дип ассызыклады ул. 

Исегезгә төшерәбез, кайнар суны туктату вакыты үзгәртелергә мөмкин. Моннан тыш, барлык эшләр – гидросынаулар, агымдагы һәм капиталь ремонт, җылылык үткәргечләрне реконструкцияләү – этаплап башкарыла, шуңа күрә кайнар су белән тәэмин итүне берничә тапкыр туктатырга мөмкиннәр. 

2023 елга «Татэнерго»ның ремонтлау һәм гидроопрессовкалау графигы

2023 елга «Казэнерго»ның ремонтлау һәм гидроопрессовкалау графигы