Рөстәм Миңнеханов һәм Илсур Метшин "Казан" гаилә үзәге янында яшь агачлар... Хәбәрләр

Илсур Метшин: «Без — шәһәргә булган мәхәббәтебез берләштергән бердәм команда»

Аппарат киңәшмәсендә мэр Казанның узып баручы елдагы казанышларын билгеләп үтте һәм үсешенә ярдәм иткән һәркемгә рәхмәт белдерде

алга таба укырга

Татарстанда 25 декабрьдән янгынга каршы махсус режим гамәлгә кертелә
Шәһәр башлыгы һәр чыршы шәһәрчегенә район хакимиятеннән җаваплы кешене беркетергә кушты
Казанда каникулларда 54 дежур бригада һәм 100 махсус техника эшлиячәк
Казан мэры: «Һәркем үзенең хәрби яктан тотрыклы булмаган вакытта яшәвен аңларга тиеш»
Казанда үзәк чыршы шәһәрчегенең өзлексез эшләвен дежур төркемнәр күзәтәчәк
Илсур Метшин: «Шәхси состав оператив эшләде һәм хезмәтен дәвам итәчәк»
Казан мэры торак йортларның подвалларында бөтен яшеренү урыннарын тиешле хәлгә китерергә таләп итте
Казан Мэры кушуы буенча Клара Цеткин урамындагы 31а йортның түбәсен һәм зыян күргән фатирларны ремонтлаячаклар
Илсур Метшин ПОА һөҗүменнән зыян күргән йортларда яшәүчеләр белән әңгәмә кушымталарында аралашу төркемнәре булдырырга тәкъдим итте
Казан мэры: «Безнең алда гадәттән тыш хәл нәтиҗәләрен мөмкин кадәр тизрәк бетерү бурычы тора»
Илсур Метшин – үзенчәлекле балалар аналарына: «Сезнең һәрберегез рәхмәт һәм соклану сүзләренә лаек»
90нан артык укучы, студент һәм аспирант Казан мэрының исемле стипендияләре белән бүләкләнде

Республика башлыгы һәм Казан Мэры Илсур Метшин алтын һәм бриллиант туйларын билгеләп үтүче парлар белән бергә агачлар утыртты.

(Казан шәһәре KZN.RU, 17-нче октябрь). Бүген ТР Президенты Рөстәм Миңнеханов һәм Казан Мэры Илсур Метшин “Казан” гаилә үзәге янында агач утыртуда катнаштылар.

“Яшел рекорд” акциясе кысаларында узган чарада катнашуга шулай ук ТР Президенты ярдәмчесе Ләйлә Фазлыева, Татарстан Министрлар Кабинетының ГХАТ Идарәсе җитәкчесе Альбина Шәвәлиева, Казан Башкарма комитеты Аппараты җитәкчесе Игорь Сивов, Башкарма комитет җитәкчесенең урынбасары – Тышкы төзекләндерү комитеты рәисе Игорь Куляжев кушылды. Агач утыртуда Авиатөзелеш һәм Яңа Савин районнары башлыгы Тимур Алибаев, “Горводзеленхоз” МУП идарәчесе Роза Җәббарова һәм башкалар катнашты.

Биш гаиләнең өчесе быел бриллиант туйларын билгеләп үтә. Люция белән Ялкын Вәлиевлар агымдагы елның июль аенда 60 еллык юбилейларын уздырган. Ялкын әфәнде "Союз" тәҗрибә-конструкторлык бюросында баш конструктор урынбасары булып эшләсә, анын хәләл җефете - Татарстан дәүләт музеенда.

Август аенда Борис һәм Ия Криницыннар да 60 еллык юбилейларын үткәргән. Үз вакытында гаилә башлыгы Татарстан Авыл хуҗалыгы министрлыгының ветеринария бүлеген җитәкләгән, ә тормыш иптәше шәһәр тубдиспансерында фтизиатр-флюорографист булып эшләгән.

Мөнир һәм Луиза Абдуллиннарның нәкъ менә бүген алтын туйлары икән. Гаилә башлыгы 45 ел буе "Ватаным Татарстан" газетасында журналист булып эшләгән, ә Луиза Абдуллина беренче балалар сырхауханәсендә лаборантка булган.

Рөстәм Миңнеханов белән бергә агачны Александр һәм Анна Голяковлар да утыртты. Бүген бу парның тормышы әле башлана гына.

Республика башлыгы һәр гаиләгә агач үсентесе бүләк итте һәм истәлек өчен фотога төште.