Җиңү паркында МХО катнашучыларына мемориал төзелә торган урынга истәлекле таш салдылар

Бүген Җиңү паркында тантаналы рәвештә истәлекле таш салынды, анда махсус хәрби операциядә катнашучыларга мемориаль комплекс барлыкка киләчәк. Тантанада ТР рәисе Рөстәм Миңнеханов, Татарстан Дәүләт киңәшчесе һәм Россия Хезмәт герое Минтимер Шәймиев, ТР Дәүләт Советы рәисе Фәрит Мөхәммәтшин, Татарстан премьер-министры Алексей Песошин, Казан мэры Илсур Метшин, шулай ук МХОда катнашучылар һәм аларның туганнары катнашты.

Рөстәм Миңнеханов җыелучыларны Бөек Ватан сугышында Җиңүнең 80 еллыгы белән котлады. «9 май — безнең кабатланмас төп бәйрәмнәрдән берсе! Бу — милли Җиңү һәм халык горурлыгы көне, кайгы һәм Мәңгелек хәтер көне. Бөек Җиңүнең юбилей елында без махсус хәрби операциядә катнашучыларга истәлек ташы кую тантанасын үткәрәбез, алар бүген дә бабалары һәм өлкән бабалары эшен намус белән дәвам итәләр. Шул рәвешле без мөһим һәм игелекле эшкә — Ватанны саклаучыларга чиксез рәхмәтебез символы булачак мемориал төзелешенә старт бирәбез», — диде республика рәисе.

Ул ассызыклаганча, бу безнең геройларның батырлыклары турындагы тарихи хакыйкатьне саклау эшендә тагын бер мөһим адым – илдә игълан ителгән Ватанны саклаучылар елы кысаларында Россия президенты куйган төп бурычларның берсе, дип хәбәр итә ТР Рәисе матбугат хезмәте.

Рөстәм Миңнеханов билгеләп үткәнчә, бүген махсус хәрби операция барышында меңләгән татарстанлы, көн саен ныклык, батырлык һәм кыюлык күрсәтеп, илебезнең азатлыгын һәм бәйсезлеген яклый. «Аларның кайберләре бүген безнең белән. МХОда катнашучылар — безнең заманның чын геройлары. Алар Ватан өчен намус һәм батырлык белән көрәшәләр. Кызганычка каршы, югалтуларсыз булмый. Без әйләнеп кайтмаган һәм инде югалган кешеләрнең якты хәтере алдында баш иябез. Хәрби бурычларны үтәү барышында якыннарын югалтканнарның югалту газабы белән уртаклашабыз», — диде Татарстан рәисе.

«Безнең бурыч — якташларыбызның батырлыгы турындагы истәлекне саклап калу һәм киләчәк буыннарга тапшыру. Без бу мөһим эшне һичшиксез дәвам итәчәкбез. Тагын бер кат барыгызны да Бөек Җиңү юбилее белән котлыйм! Барыгызга да ныклы сәламәтлек, иминлек һәм бәрәкәт телим!» — диде Рөстәм Миңнеханов.

Аннары бер минут тынлык игълан ителде.

Һәлак булган МХО катнашучысы Даниил Маршевның әнисе Римма Абделхаковна Маршева республика җитәкчелегенә сугышчыларның батырлыгы турындагы истәлекне саклаулары өчен рәхмәт белдерде. «Йөрәк кисәкләргә ярыла, ләкин шул ук вакытта улым һәм аның сугышчан иптәшләре турындагы истәлекләр мәңге яшәячәк, дип горурланам», — диде ул.

2023 елда Владислав Мариненко сугышчан иптәшләре белән бергә беренчеләрдән булып Угледар янында ныгытылган позицияләрне һөҗүм ясауда катнашкан, анда Ватан өчен гомерен биргән. Аның әтисе Юрий Федорович Мариненко Казанда булачак мемориаль комплекс Россиядә иң яхшыларның берсе булачагына ышаныч белдерде, дип хәбәр итә ТР Рәисе матбугат хезмәте.

37 нче мотоукчылар полкының Хәрби-сәяси эш буенча Советлар Союзы герое С.Әхтәмов исемендәге мотоукчылар батальоны командиры урынбасары, майор Илнар Хөсәенов МХО катнашучылары исеменнән мемориал төзү турындагы карары өчен рәхмәт белдерде: «Бу үз гомерләрен куркыныч астына куеп хәрби бурычларын үтәүче, үз Ватанын саклаучы, Бөек Ватан сугышында катнашкан туганнары үрнәгеннән илһамланып сугышчыларның истәлеген саклау өчен бик мөһим».

Аннары истәлек ташына чәчәкләр салдылар.

Элегрәк хәбәр ителгәнчә, Җиңү паркында Рөстәм Миңнеханов һәм Илсур Метшин дан мемориаллары колоннадасының Мәңгелек утына, шулай ук һәлак булган сугышчыларның Аналары һәм Тол хатыннары монументына, Совет Солдаты һәйкәленә чәчәкләр салганнар.