И.Метшин асфальт-бетон заводында «Безнең ишегалды» программасын тормышка ашыруга әзерлекне бәяләде

(Казан шәһәре KZN.RU, 13 нче апрель, Диана Жиленкова). Казан Мэры Илсур Метшин «Волга-Автодор» асфальт-бетон заводында булды. Быел Казан ихтыяҗлары өчен барлыгы 250 мең тонна асфальт-бетон чыгарылачак. Шәһәр башлыгы предприятиенең җитештерү куәтләрен бәяләде, чимал һәм әзер продукция сынаулары уза торган лабораториядә булды. Асфальт җитештерүчеләр продукциянең керү контроле дә, операцион контроле дә берничә тапкыр артты, дип ышандырды.

Казанда актив юл эшләре сезоны башланды. Подрядчы оешмалар «Безнең ишегалды» программасы буенча эш башлады, аның кысаларында 482 йорт территориясендә 533 мең кв.метр асфальт-бетон өслекне алыштыру планлаштырыла. Чокыр ремонты дәвам итә – аның өчен заводта 2,4 мең тоннадан артык сумаласыман сыек асфальт-бетон чыгарылган, бу барлык күләмнең 60% ы тирәсе. Продукция төнге сменада 90-100 тонна чыгарыла. Салу өчен 5 термомиксер кулланалар. Моннан тыш, «Безнең ишегалды» программасын гамәлгә ашырганда кулланылачак чимал әзерләнгән. 

«Һава шартлары безгә актив юл эшләрен башларга мөмкинлек бирде. Хәзерге вакытта чокыр ремонты планлаштырылган күләмнән 60% башкарылган, - диде Илсур Метшин. - Бөтен шәһәрнең юл челтәрен капиталь ремонтлау һәм төзү буенча зур эш башкарылачак. Моннан тыш, республика Рәисе Рөстәм Миңнехановның «Безнең ишегалды» программасына 482 йорт территориясе керде, анда юллар ремонтланачак, парковка урыннары оештырылачак». «Предприятие территориясендәге чимал таулары буенча «Безнең ишегалды» программасы буенча гына да нинди күләм үтәргә кирәклеген күз алдына китереп була», – дип игътибар итте шәһәр башлыгы. 

«Волга-Автодор» заводы 2017 елдан бирле эшли, предприятиедә 50 кеше хезмәт куя. Аның үз лабораториясе бар, анда нигездә Уралдан китерелгән чимал һәм җитештерелгән продукция сынала. «Волга-Автодор» директоры урынбасары Иван Шевырев Мэрга махсус җиһазлар ярдәмендә биредә җитештерү процесслары һәм юл эшләре имитацияләнә дип сөйләде. «Без яңа ГОСТ буенча асфальтның аскы һәм өске катламнарын да сынап карыйбыз. Бездә керүче контроль һәм операцион контроль бар – бу турыдан-туры объекттагы мониторинг. Димәк, продукцияне контрольдә тоту берничә тапкыр артты», – дип ассызыклады предприятие директоры урынбасары. 

Асфальт-бетонның төрле үрнәкләре өчен Урал карьерларыннан материаллар лаборатория тарафыннан алдан сайланган рецептураны исәпкә алып сатып алына. Чимал кирәкле таләпләргә туры килү буенча сынаулар уза, шуннан соң төп җитештерү процессы башлана. 

Завод территориясендә сәгатенә 120-150 тонна җитештерүчәнлек белән өч асфальт изү җайланмасы һәм сәгатенә 60 кубометр җитештерүчәнлек белән бетон изү җайланмасы бар. Асфальт изү җайланмасында кабул итү бункерларына инерт материаллар кертелә, шуннан соң чимал киптерү барабаны аша уза, җылытыла һәм сортлана. Алынган продукция болгатыла һәм самосвалга төялеп, эшләр башкарылу урынына җибәрелә. Кабул итү һәм җибәрү өчен барлыгы дүрт фронталь йөк төягеч каралган. «Эшләр тәмамланганнан соң һәм хәрәкәт ачылганнан соң, без кабат килеп, пробалар ясыйбыз, барысын да ничек яхшы салганнарын тикшерәбез», – дип билгеләп үтте предприятие директоры Рифат Вахитов. 

Аның сүзләренчә, яңа ГОСТ буенча вак таш, укмаштыргыч битум материаллары өчен катгыйрак таләпләр куела. Мәсәлән, юлларда колеялылыкны киметү өчен ашалучанлыгы түбәнрәк булган вак таш кулланыла. 

Шәһәр башлыгы әзер продукция үрнәкләре һәм лаборатория җиһазлары белән танышты. «Волга-Автодор»ның җитештерүне модернизацияләве һәм җитештерелгән продукциянең сыйфатын яхшыртуы сөендерә, лабораториядә җитди эш алып барыла. Юллар озак хезмәт итсен өчен, заводның материалларны җентекләп сайлап алуы мөһим», – диде Мэр. 

Күчмә киңәшмәдә Казан Башкарма комитеты җитәкчесе урынбасары Игорь Куляжев, шәһәр Башкарма комитеты җитәкчесе урынбасары Искәндәр Гыйниятуллин, Киров һәм Мәскәү районнары администрациясе башлыгы Сергей Миронов һәм башкалар катнашты.