27 нче февральдә Ратушада Казан шәһәр Думасының XXI сессиясе узачак

(Казан шәһәре KZN.RU, 17 нче февраль, Диана Жиленкова). 27 нче февральдә 9:30 сәгатьтә Ратушада Казан шәһәр Думасының XXI сессиясе узачак. Бүген Казан шәһәр Думасы президиумы утырышында шундый карар кабул ителде, ул Казан Мэры Илсур Метшин рәислегендә узды. Утырышта президиумның 12 әгъзасының 8 е катнашты, карар кабул итү өчен кворум бар иде.

Киләсе сессиядә депутатлар 7 мәсьәләне караячак:

Казан шәһәре Мэрының 2022 елгы эшчәнлеге турында хисап;

Казан шәһәр Думасының 2022 елгы эшчәнлеге турында хисап;

Казан шәһәре Башкарма комитеты җитәкчесенең һәм Казан шәһәре Башкарма комитетының 2022 елгы эшчәнлеге турында хисап;

Тикшерү-хисап палатасының 2022 елгы эшчәнлеге турында хисап;

Казан шәһәре буенча Эчке эшләр идарәсенең 2022 елгы эшчәнлеге турында хисап;

Урам-юл челтәренең зона асты чикләрен үзгәртү өлешендә Казан шәһәренең Җирдән файдалану һәм төзелеш кагыйдәләренә үзгәрешләр кертү турында;

Казан шәһәренең Яшьләр парламенты составы турында.