Казан Мэры Илсур Метшин мобилизацияләнгән гаиләләргә ярдәм итү буенча штаб булдырырга кушты

(Казан шәһәре KZN.RU, 29 нчы сентябрь). Казан Мэры Илсур Метшин мобилизацияләнгән казанлыларның гаиләләренә ярдәм итү буенча штаб төзергә кушты. Штаб Казанда туганнары повестка алган һәм мобилизацияләнгән гаиләләр белән хезмәттәшлек итәчәк.

«Хәзер авыр вакыт. Ирләре, әтиләре, абыйлары Казаннан еракта үз бурычларын намус белән үтәргә киткән гаиләләргә аеруча авыр. Мобилизация буенча киткән казанлыларның гаиләре ялгыз булмавына, безнең кайгыртуда икәнлегенә ныклы ышанулары мөһим. Мин штабны үзем җитәкләячәкмен. Без башта ихтыяҗларны анализлыйбыз һәм якын арада ярдәм чаралары исемлеген булдырачакбыз», – диде Илсур Метшин. 

Ул штаб эшенә шәһәрнең барлык хезмәтләрен, структур бүлекчәләрен, «Игелекле Казан» коммерциягә нигезләнмәгән автоном оешмасын кушылырга чакырды. Һәр гаилә белән элемтә урнаштырылачак, аннан соң конкрет ярдәм чаралары эшләнәчәк. 

Штабның алдагы эше турында өстәмә хәбәр ителәчәк.