Казан Мэры: «Бүгенг заман шартларында сезнең белемегез һәм тәҗрибәгез мөһим»

(Казан шәһәре KZN.RU, 1 нче октябрь). Казан Мэры Илсур Метшин шәһәр халкын Халыкара өлкәннәр көне белән котлады.

«Хөрмәтле казанлылар, өлкән буын вәкилләре!

Халыкара өлкәннәр көнендә чираттагы мәртәбә әтиләребезгә һәм әниләребезгә, сугыш, хезмәт ветераннарына, пенсионерларга, шәһәребезнең барлык өлкән кешеләренә җылы рәхмәт сүзләрен җиткерү мөмкинлеге бар.

Сез – безнең өчен иң якын кешеләр, нәкъ менә сезнең янга киңәш һәм ярдәм сорап барабыз, сез безгә рухи көч һәм күтәренке кәеф бүләк итәсез. Сез тормышның чын мәгънәсен, аның асылын аңлыйсыз һәм һәр мизгелгә шатланасыз. Без сездән үрнәк алырга тырышабыз.

Без сезнең Казанның үсеше өчен фидакарьләрчә башкарган хезмәтегезне югары бәялибез. Сезнең күбегез бүген дә Татарстан башкаласы файдасына эшләвен дәвам итә, иҗтимагый тормышта һәм үсеп килүче буынны тәрбияләүдә актив катнаша. Сезнең белемегез һәм бай тәҗрибәгез хәзерге шартларда аеруча мөһим, чөнки яшьләр инициативасы белән беррәттән «иске гвардия» зирәклеге дә кирәк.

Без сезгә чиксез рәхмәтле һәм тормышыгыз матур булсын өчен бар көчебезне куячакбыз. Ә өлкәннәргә игътибарны бәйрәм көнендә генә күрсәтмик, ә көндәлек инициативага әйләндерик.

Сезгә озын гомер, ныклы сәламәтлек, бәхет, тынычлык һәм иминлек телим! Якыннарыгызның игътибары һәм кайгыртуы һәр яңа көнне шатлык белән бизәсен», – диелә котлауда.