Быел Казанда өченче төньяк коллекторда 2 км дан артык авария челтәре ремонтланачак Хәбәрләр

Илсур Метшин Владимир Путинның муниципалитетлар башлыклары белән очрашуында катнашты

Түгәрәк өстәл артында шәһәр мэрлары Россия президенты белән көнүзәк мәсьәләләр буенча фикер алыштылар

Илсур Метшин «Кече ватан — Россия көче» форумында катнашачак
Илсур Метшин: «Бу шатлыклы бәйрәм өйләребезне җылылык һәм рәхәтлек белән, ә йөрәкләребезне мәхәббәт һәм аһәң белән тутырсын»
Илсур Метшин: «Техниканы тоту өчен генә түгел, машина йөртүчеләребез, юл эшчеләре һәм механикларыбыз өчен дә тиешле шартлар тудырылачак»
4 км җәяүлеләр юлы, 12 балалар һәм 11 спорт мәйданчыгы: Идел буе районында 7 мең кеше яши торган ишегалды комплексы төзекләндереләчәк
И.Метшин: «Мондый икенчел чимал кабул итү пунктлары шәһәрнең һәр районында булырга тиеш»
И.Метшин: «Бу кардәшлек бик файдалы, бу шәһәрләр белән барлык дәрәҗәләрдә дә алмашырлык әйбер бар»
Илсур Метшин: «Карап тоту һәм төзекләндерү эшендә ярдәмчеләр юк — бу бөтен шәһәр эше»
Чистайдан Садоваяга кадәр: шәһәр реклама компанияләренә 36 тукталыш түбәсен тапшырырга планлаштыра
Илсур Метшин Кремль урамындагы 7 нче номерлы бинаны төзекләндерү турында: «Ышанам ки, хәзер бина тагын бер дистә ел хезмәт итәчәк»
Казанда тышкы реклама базары күләме 56%ка арткан
Илсур Метшин «Казан – геройлар шәһәре» проекты турында: «Без заманнар һәм буыннар элемтәсен саклыйбыз»
Быел Казанда социаль ипотека программасы буенча 11 йорт төзү планлаштырыла

(Казан шәһәре KZN.RU, 1 нче август, Алсу Сафина). Быел Казанда өченче төньяк коллекторда 2 км дан артык авария челтәре ремонтланачак. Чистай урамындагы беренче участокта, Меридиан урамыннан алып Бондаренко урамына кадәр, эшләр график буенча тоткарлыксыз бара. Бу хакта Башкарма комитетта узган эшлекле дүшәмбе вакытында «Водоканал» МУП директоры Андрей Егоров җиткерде.

Хәзерге вакытта Ямашев проспектындагы 850 метр озынлыктагы коллекторның икенче участогы буенча (Адоратский урамыннан Әмирхан урамына кадәр) проект документлары экспертизада, дип хәбәр итте Андрей Егоров. Әмирхан урамындагы 700 метрлы өченче участок буенча (Четаев урамыннан Чистай урамына кадәр) проект документациясен эшләү төгәлләнде, эшләр башлануга әзерлек бара. «Шулай итеп, быел 2300 метр озынлыктагы авария хәлендәге участокны реконструкцияләүне төгәлләү планлаштырыла», – дип ассызыклады «Водоканал» директоры.

Өченче төньяк коллекторда эшләр 2022-2028 елларда магистраль челтәрләрне модернизацияләүгә һәм реконструкцияләүгә юнәлдерелгән өстәмә инвестицион программа кысаларында башкарыла. «Водоканал» балансында булган 3 мең км дан артык челтәрнең 70% ының эксплуатация срогы чыккан, бу инвестпрограмма зарурилыгын күрсәтә. Норматив срокка хезмәт күрсәткән челтәрләрнең озынлыгы 1700 км тәшкил итә, һәм бу сан ел саен арта бара.

Төп чыганагы су белән тәэмин итүгә һәм ташландык суларны агызуга тарифлар булган өстәмә инвестпрограмма Татарстан Президенты Рөстәм Миңнеханов, Казан Мэры Илсур Метшин һәм Казан шәһәр Думасы депутатлары ярдәме белән эшләнде.

Инвестпрограмма кысаларында Парин, Дубравная, Гудованцев, Восстание, Краснококшайск һ.б. урамнар буенча магистраль канализация коллекторларын, шулай ук Гадел Кутуй, Толстой, Ломжа, Назарбаев, Кол Гали, Декабристлар, Каспий, Мусин, Патрис Лумумба, Дорожная, Рубежная, Коновалов, Курчатов, Халитов, Мәүлетов, 1-нче Муром, Тихорецк, Гладилов, Серов, Щапов, Архангельск, Җиңү проспекты урамнары буенча квартал суүткәргечләрен реконструкцияләү каралган.

Андрей Егоров бүгенге көндә Магазинная, Красиков, Патрис Лумумба, Г.Кутуй, Н.Исәнбәт, Гвардия, Седов, Ломжа, Толстой, Большая Красная, Подлужная, Халитов, Себер тракты һәм башка урамнар буенча 6 чакрымнан артык озынлыкта булган 200-600 мм диаметрлы су үткәргечләрне реконструкцияләүгә әзерлек эшләре алып барылуы турында сөйләде.