Илсур Метшин 2020 елның август-ноябрь айларында мэрларның илкүләм рейтингында беренче урынны алды

(Казан шәһәре KZN.RU, 26-нчы ноябрь). Казан Мэры Илсур Метшин 2020 елның август-ноябрь айларында мэрларның илкүләм рейтингында беренче урынын алды. 

Тикшеренүне РФ Хөкүмәте каршындагы Финанс университеты белән берлектә «Рейтинг» Мәгълүмати коммуникацияләр үзәге үткәрде.

Тикшеренү кысаларында белгечләр 88 төбәк башкаласы һәм биш эре финанс-икътисади үзәк мэрларының эшчәнлеген бәяләде: Магнитогорск, Яр Чаллы, Новокузнецк, Сочи, Тольятти.

Мэрларның илкүләм рейтингына бу төбәкләрдә үз административ үзәкләре булмау сәбәпле, Мәскәү һәм Ленинград өлкәләре вәкилләре кертелмәгән. Рейтингта төрле һөнәри һәм социаль өлкә экспертларының максималь киң даирәсе җәлеп ителгән.

Рейтингның икенче урынын Мәскәү Мэры Сергей Собянин алып тора. Лидерлар бишлегенә шулай ук Төмән Мэры Руслан Кухарук, Мэр Ханты-Мансийск Мэры Максим Ряшин һәм Салехард Мэры Алексей Титовский да керде.

Илсур Метшинның Илкүләм рейтингта лидерлыгын быел дүртенче тапкыр Татарстан башкаласы башлыгы итеп сайлануы тәэмин итте - шәһәр башлыгы 48 депутатның 44-е хуплады. «Бүген муниципалитет җитәкчелеге алдында шәһәрне якындагы биш елда үстерүнең зур бурычлары тора, алар арасында: гражданнарның сәламәт яшәү рәвеше һәм аларның керемнәрен арттыру. Шәһәрдә алты яңа парк барлыкка киләчәк, шулай ук Татарстан башкаласында дөньякүләм дәрәҗәдәге белем алырга мөмкин булачак, - диелә тикшеренүдә.

Шулай ук экспертлар мэрның халыкара абруен билгели. БМО каршындагы җирле хакимият органнарының консультатив комитеты президенты булган Илсур Метшин БМО-2020 Европа икътисади комиссиясе мэрлары форумында дистанцион рәвештә катнашты. Шәһәр башлыгы Европа коллегаларына Казанның җәмәгать транспорты эше турында сөйләде, анда һәр бишенче машина газда эшли, ә бөтен хәрәкәтчән состав - түбән тәгәрмәчле һәм шактый яңа: аның уртача яше - 4,5 яшь.

Казан өчен агымдагы ел - юл эшләрен финанслау буенча рекордлы ел: республика һәм федераль үзәк ярдәме белән бу максатларга 14,3 млрд сум бүлеп бирелгән. Юлларны ремонтлау һәм төзүнең гомуми мәйданы - 1,8 млн кв. м. 108 урам һәм керү юллары ремонтланган, 4 чакрым юл, шул исәптән шәһәр өчен стратегик яктан мөһим транспорт объектлары - Зур Казан боҗрасы, Горький шоссесының дублер-юлы салынган.

Коронавирус белән бәйле вәзгыять гади түгел, моның фонында экспертлар муниципаль хакимиятләрнең гамәлләрен вакытлы һәм нәтиҗәле дип санады. Әйтик, шәһәрдә эшмәкәрләр өчен штрафларга мораторий гамәлдә, җәйге верандаларга җирне арендалау өчен түләү гамәлдән чыгарылган, реклама урыннарын арендалау өчен түләүләр кичектерелгән.

«Казан Мэры Илсур Метшин шәһәрне инде 15 ел җитәкли, һәм аның Россия шәһәр башлыклары арасында лидерларның берсе буларак урын алуы күпчелек экспертларда сораулар тудырмый», - дип ассызыклыйлар тикшеренүдә белгечләр.

Исегезгә төшерәбез, Казан даими рәвештә күпсанлы рейтинглар лидеры булып тора. Казан Мэры Илсур Метшин 2020 елның сентябрь ае өчен Идел буе федераль округы башкалалары башлыкларының медиарейтингын җитәкләде. Ә узган ел ахырында Казан халыкның тормыш сыйфаты буенча Россиянең иң яхшы шәһәре дип танылды.