Казанда яшәүче күп балалы гаиләләргә ТР Биектау районында җир бирәчәкләр Хәбәрләр

И.Метшин: «Йортыгызда һәрвакыт тынычлык һәм иминлек булсын, күңелләрегез яхшылыкка омтылсын»

Казан мэры шәһәр халкын Раштуа бәйрәме белән котлады

Илсур Метшин кар эретү станцияләре эше турында: «Проект куәтеннән 4 тапкырга күбрәк эшләделәр»
И.Метшин: «2026 ел, Казан өчен һәм сезнең барыгызга да, уртак файдага хезмәт итәчәк яңа мөмкинлекләр ачсын, уңышларга ирешергә ярдәм итсен»
Казанда кече һәм урта эшмәкәрлек субъектлары саны 85 меңнән артып китте
Казанда 10 айда сәнәгать җитештерүе индексы 101,7 процентны тәшкил иткән
Илсур Метшин йомгаклау матбугат конференциясендә Җәмигъ мәчете төзелеше, самокатларны куллануны җайга салу турында сөйләде
Татарстан рәисе һәм Казан мэры «Әкият» курчак театры янындагы паркта Яңа ел чыршысын ачу тантанасында һәм ярминкәдә булдылар
И.Метшин демография һәм төзелеш турында: «Без 1 миллион 300 мең кешедән артып киттек һәм 1 миллион 300 мең кв.метрдан артык торак төзедек»
Рөстәм Миңнеханов һәм Илсур Метшин Казанның зооботаника бакчасында булдылар
И.Метшин: «Ил президентының динара тынычлык урыны буларак Татарстан турында сүзләре горурлык хисе уятты»
И.Метшин: ««Апуш» һәм «Гәүһәр» проектлары безнең өчен көтелмәгән яңа мөмкинлекләр ачты»
Казан мэры чыршы базарларында тәртип сакларга кушты
Киләсе ел башында Казан, Мәскәү, Сочи, Иран һәм Татарстан районнары шагыйрьләренең Казан турында шигырьләр һәм поэмалар җыентыгы чыга

(KZN.RU, 16-нчы февраль). Казанда яшәүче күп балалы гаиләләргә Биектау районы территориясендә бушлай җир участоклары бирәчәкләр. Әлеге карар ТР Президенты Рөстәм Миңнеханов тарафыннан яклап кабул ителде: Алексей Семин җитәкчелегендәге “ASG” компанияләр төркеме шәһәргә ТР Биектау районында урнашкан 300 га җирен муниципаль милеккә тапшыра. Әлеге җирләр өч һәм аннан күбрәк бала тәрбияләгән гаиләләргә шәхси төзелеш өчен бүлеп биреләчәк.

Казан Мэры Илсур Метшин хәбәр итүенчә, 1300 артык күп балалы гаилә җир участокларын бүлеп бирү исемлегенә керер өчен гаризалар язган инде. Социаль яклау идарәсе мәгълүматларына караганда, барлыгы 3204 гаилә җир алуга дәгъва кыла ала. Ләкин, гаризалар кабул итүне башлауга карамастан, әлеге җирләрнең кайда булу мәсьәләсе хәл ителмәгән. “Кызганычка каршы, Казанда барлык теләүчеләр өчен дә участоклар бүлеп бирер өчен территория юк”, - дип аңлатты Илсур Метшин.

Исегезгә төшерәбез, 2012 ел башыннан Казан шәһәрендә яшәүче күп балалы гаиләләр бушлай җир алу өчен чиратка баса алалар. Күп балалы гаиләләрне җир белән тәэмин итү РФ Президенты Дмитрий Медведев инициативасын гамәлгә ашыру кысаларында башкарыла. 2011 елның июнь аенда “Торак төзелешен үстерүдә булышлык күрсәтү турында” Федераль законына һәм РФ Җир кодексына тиешле үзгәртүләр кертелде. 2011 елның ноябрь аенда ТР Президенты Рөстәм Миңнеханов “ТР Җир кодексына үзгәрешләр кертү турында” законына кул куйды, ә декабрь аенда Казан шәһәре Башкарма комитетының тиешле Карары чыкты.

“Бүген без Казан агломерациясе үсеше турында Казан шәһәре Мэриясе һәм Алексей Семин компаниясенең шәхси-дәүләти партнерствосы турында килешүгә кул куйдык. Килешү Татарстан Республикасы Президенты Рөстәм Минниханов тарафыннан хупланды”, - дип ассызыклады Илсур Метшин.

Бушлай участокка 18 яшькәчә 3 яки аннан күбрәк бала тәрбияләүче гражданнар дәгъва кыла ала. Үз балалары белән бертигез дәрәҗәдә үги кыз, үги ул, тәрбиягә һәм опекага алынган балалар да программада катнаша ала. Казан шәһәре Башкарма комитетының карары нигезендә, участок күләме 3 бала тәрбияләгән гаиләгә 600 кв.м чыгып исәпләнә. Участокның максималь мәйданы 2000 кв.м күбрәк була алмый.