Рөстәм Миңнеханов Татарстан авыл җирлекләре һәм муниципаль учреждениеләре җитәкчеләренә яңа автотранспорт чаралары ачкычларын тапшырды

(Казан шәһәре KZN.RU, 21-нче декабрь). Татарстан Республикасы Президенты Рөстәм Миңнеханов Татарстан авыл җирлекләре һәм муниципаль учреждениеләре җитәкчеләренә яңа автомобильләр ачкычларын тапшырды.

Тантана Татарстан Республикасы Дәүләт Советы каршындагы мәйданда узды, анда шулай ук ТР Президенты Аппараты Җитәкчесе Әсгать Сәфәров, Казан Мэры Илсур Метшин, Татарстан Республикасы Премьер-министрының беренче урынбасыр Рөстәм Нигъмәтуллин, башка рәсми затлар катнашты.

Рөстәм Миңнеханов мунициципаль районнар вәкилләренә 93 Chevrolet NIVA автомобиле ачкычын тапшырды, Казан вәкилләренә –  4 Ford Transit автобусы ачкычы, Чаллы шәһәренә – 3 Ford Transit автобусы ачкычы.

Тантанада чыгыш ясап, Рөстәм Миңнеханов искәрткәнчә, республикада муниципаль берәмлекләр советларының чираттагы съездын уздырган көнне муниципалитетлар вәкилләренә хезмәт автомобильләре ачкычларын тапшыру күркәм традициягә әверелде.

“Соңгы 7 елда без җирле үзидарә органнарына 1770 автомобиль тапшырдык, диде Рөстәм Миңнеханов. - Минемчә, хакимият нигезе – муниципалитетлар, сез реаль тормыш эчендә кайныйсыз”.

Татарстан башлыгы фикеренчә, халык нәкъ менә муниципалитетлар эшчәнлеге буенча хакимият эшен тулаем бәяли. “Гади кеше өчен федераль хакимиятме бу яисә республика хакимиятеме – аерма юк, шуңа күрә сезнең функцияләрегез һәм эшегез югары сыйфатлы булырга тиеш”, - диде Рөстәм Миңнеханов, авыл җирлекләре җитәкчеләренә, муниципалитетлар һәм шәһәр округлары җитәкчеләренә мөрәҗәгать итеп.

Татарстан Президенты билгеләп үткәнчә, республикада 37 социаль юнәлешле программа гамәлгә ашырыла, алар кысаларында социаль учреждениеләргә капиталь ремонт ясала, яңа спорт һәм мәдәни объектлар төзелә.

Муниципалитет җитәкчесенең роле һәм статусы матди-техник базасын ныгытуга бәйле, без һәр муниципалитетта авыл җирлекләре биналарына ремонт ясарга, яңа хезмәт транспорты бирергә, яңа объектлар ачарга тырышабыз, дип хәбәр итә ТР Хөкүмәте порталы Рөстәм Миңнеханов сүзләренә сылтама белән.