Р.Миңнеханов һәм И.Метшин “Метроэлектротранс” хатын-кызларын Халыкара хатын-кызлар көне белән котлады

(Казан шәһәре KZN.RU, 6-нчы март). Бүген Татарстан Республикасы Президенты Рөстәм Миңнеханов һәм Казан Мэры Илсур Метшин “Метроэлектротранс” хатын-кызларын Халыкара хатын-кызлар көне белән котлады.

Муниципаль унитар предприятиенең 70%-лап хезмәткәрен - ә бу 2 меңеән артык кеше – хатын-кызлар тәшкил итә. Алар рәтендә автобус, троллейбус, трамвай йөртүчеләр, слесарьлар, кондукторлар, инженерлар, хисапчылар бар. Кайберләренең эш стажы 40 еллап тәшкил итә. “Метроэлектротранс”та барлыгы 3 меңнән артык кеше эшли.

Очрашу кысаларында ТР Президенты "Метроэлектротранс" предприятиесе оештырган "Авто-леди" хатын-кызлар арасында автомобиль йөртү осталыгы конкурсында җиңүчеләрне бүләкләде. 

Шуннан Татарстан Президенты электродепоның җитештерү-көндәлек корпусына юнәлде. Аны "Метроэлектротранс" МУП генераль директоры Әсфән Галәвов Рөстәм Миңнехановка машина-авария бүлеген, электропоездлар цехын, ремонт цехын, предприятиенең укыту үзәген күрсәтте. 

Рөстәм Миңнеханов "Метроэлектротранс" предприятиесенең җиһазланышын һәм хезмәткәрләр эшен югары бәяләде. Ахырда Рөстәм Миңнеханов транспорт тармагының алдынгы хатын-кыз хезмәткәрләренә Татарстан Республикасы дәүләт бүләкләрен тапшырды, дип хәбәр итә ТР Президенты матбугат хезмәте.