Башкала Ратушасында Казан шәһәр Думасының VI сессиясе башланды

(Казан шәһәре KZN.RU, 20-нче апрель, Зилә Гайфи). Башкала Ратушасында өченче чакырылыш Казан шәһәр Думасының VI сессиясе башланды. Чара Казан Мэры Илсур Метшин рәислегендә үтә.

 Залда 50  депутатның 49-ы катнаша. Алар түбәндәге 10  мәсьәлә буенча фикер алышачаклар:

Казанда милләтара һәм конфессияара килешүнең тотрыклы үсеш шартларын булдыру;

Казанның 2011-2015 елларга кабул ителгән социаль-икътисади үсеш программасының үтәлеш нәтиҗәләре турында;

2015 елда Казан бюджеты үтәлеше турында;

Казан шәһәр Думасының “2016 елга Казан шәһәре муниципаль берәмлеге бюджеты турында”гы карарына үзгәрешләр кертү турында;

Казанның Җир биләмәләреннән файдалану һәм төзелеш кагыйдәләренең шәһәр төзелеше регламентлары зоналары картасына үзгәрешләр кертү турында;

Казан шәһәр Думасының “Казан шәһәре территориясендә законсыз яки рөхсәтсез урнаштырылган күчмә милек объектларын ачыклау һәм демонтажлау тәртибе турында”гы карарына үзгәрешләр кертү турында;

Казан шәһәр Думасының законнар җыелмасына бәйле тәкъдиме турында;

Казан шәһәре муниципаль берәмлеге Уставына үзгәрешләр кертү турында;

Казан шәһәр Думасының Территориаль иҗтимагый үзидарә чикләрен билгеләү турындагы аерым карарларына үзгәрешләр кертү турында;

Төрлесе.