Илсур Метшин танылган Дания архитекторы Ян Гейл белән очрашты

Танылган урбанист Казаннан алган тәэсирләре белән бүлеште.

(Казан шәһәре KZN.RU, 26-нчы август). Казан Мэры Илсур Метшин шәһәр Ратушасында бүген танылган Дания архитекторы һәм шәһәр иҗтимагый киңлегенең зур тикшерүчесе Ян Гейл белән очрашты. Очрашуда шулай ук “Gehl Architects” компаниясе директоры Генриета Вамберг, "Леонтьевский центр” халыкара социаль-икътисади тикшеренүләр үзәгенең үсеш бүлеге җитәкчесе Елена Белова һәм Башкарма комитет җитәкчесенең Икътисади үсеш буенча урынбасары Иван Кузнецов та катнашты.

Копенгагеннан килгән шәһәр дизайны буенча танылган консультант Ян Гейлның хезмәте шәһәрдәге яшәешне, җәүялеләргә һәм велосипедта йөрүчеләргә  күбрәк игътибар юнәлдереп, яхшыртуга багышланган. Дания Корольлеге академиясендә архитектура магистры дәрәҗәсен алып, ул ачык киңлекләрне ткшерү үзәге директоры итеп билгеләнә һәм “Gehl Architects” фирмасын нигезли. Аның эшләренә Лондон, Нью-Йорк, Мехико, Мельбурн, Копенгаген, Сидней һәм башка шәһәрләрдән мөрәҗәгать иткәннәр. Ул һәрвакытта да шәһәрне кешеләр өчен булдыруга юнәлтелгән проектлар әзерләп килгән. Хәзер танылган архитектор Казанга килде.

Шәһәр җитәкчесе танылган архитекторны сәламләде: “Безгә килүегезгә без бик шатбыз. Президентыбыз Рөстәм Миңнеханов шулай ук очрашуны түземсезлек белән көтә”, - дип билгеләде Илсур Метшин һәм Казан Копенгаген кунагын ничек каршы алуы турында кызыксынды.

Ян Гейл кунакчыллык өчен рәхмәтен белдерде, Казанга ТР Президенты Рөстәм Миңнеханов чакыруы буенча килүен билгеләп үтте. Казан Ян Гейл булган Россия шәһәрләренең өченчесе икән. “Миңа һәрвакытта Мәскәү һәм Санкт-Петербуг – Россия түгел әле ул, Россия әлеге ике шәһәр чикләрен узгач башлана дияләр иде. Мин түземсезлек белән әлеге башка Россия белән танышуны көтәм, биредә күргән мәдәни хезмәттәшлеккә булган кызыксыну минем өчен кызыклы”, - дип билгеләп үтте тикшерүче.

Очрашу азагында ул Илсур Метшин “Шәһәр һәм кешеләр” дип аталган үзенең китабын бхүләк итте. Аның сүзләренә караганда, трафик, биналар, урыннар турында китаплар бик күп, әмма кешеләр турында, аларның шәһәр киңлеге белән бәйләнеш турындагысы юк. Ян Гейл үзенең хезмәтендә һәрвакытта да моңа зур игътибар юнәлтүен җиткерде.

Архитектор визиты прогаммасында уңышлы һәм нәтиҗәле җәмәгать киңлекләрен проектлауның иң яхшы дөньякүләм тәҗрибәсе турында семинар уздыру, Архитекторлар берлеге әгъзалары белән очрашу һәм Казан буенча сәяхәт итү каралган.