Илсур Метшин һәм Ханой Шәһәр партия комитеты сәркатибе Чан Дык Тханг Казан белән Ханой арасындагы хезмәттәшлек турында фикер алыштылар

Бүген Казан Ратушасында Казан мэры Илсур Метшин Вьетнам Коммунистлар партиясе Үзәк комитеты Сәясәт бюросы әгъзасы, Ханой Шәһәр партия комитеты сәркатибе Чан Дык Тханг белән эшлекле очрашу уздырды. Очрашу Россия – АСЕАН саммиты кысаларында узды. Яклар Казан белән Ханой арасындагы хезмәттәшлекне киңәйтү мөмкинлекләре турында фикер алышты. Игътибар туристлык, социаль-мәдәни һәм икътисадый өлкәләрдә багланышларны үстерүгә бирелде.

Илсур Метшин һәм Чан Дык Тханг Казан белән Ханой арасында алга таба да тәҗрибәләрне уртаклашу һәм уртак хезмәттәшлек мөнәсәбәтләрен үстерү белән кызыксынуларын белдерделәр.

Халык саны 8,7 миллион кеше тәшкил иткән Вьетнам башкаласын Казан белән югары технологияләр һәм масштаблы инфраструктура проектлары, шул исәптән юл-транспорт инфраструктурасы өлкәсендә кызыксыну уята. Казан мэры ассызыклап үткәнчә, Татарстан башкаласы халыкара хезмәттәшлеккә ачык һәм уңышлы муниципаль тәҗрибәләр белән уртаклашырга әзер.

Аерым алганда, Казан шәһәренең «Метроэлектротранс» муниципаль унитар предприятиесе генераль директоры Айдар Абдулхаков Вьетнам делегациясенә Казан метрополитены эшен тәкъдир итте. Исегезгә төшерәбез, бүгенге көндә метрополитен 17 чакрым озынлыктагы бер линияне һәм 11 станцияне үз эченә ала. 20 елдан артык эшләү дәверендә Казан метросы ярты миллиардка якын пассажирны ташыган, 2025 елда аның хезмәтләреннән 40 миллионнан артык кеше файдаланган. Хәзерге вакытта икенче линия төзелеше бара.

Технологик чишелешләргә аерым игътибар бирелде. Казан метросы Россиядә беренче тулысынча цифрлы метрополитен булды, шулай ук беренчеләрдән булып акчасыз түләүне һәм поездлар хәрәкәте белән автоматлаштырылган идарә итүнең заманча системаларын кертте. Ул киртәсез мохит таләпләренә тулысынча туры килә.

Ханой вәкилләре Казан белгечләренең югары дәрәҗәдәге тәҗрибәсен билгеләп үтте һәм алар белән метрополитен төзелеше һәм үсеше өлкәсендә белемнәре белән уртаклашуы турында кызыксынуларын белдерде. Чан Дык Тханг сөйләгәнчә, соңгы елларда Вьетнамда җир асты транспорты челтәре актив үсә: хәзерге вакытта 20 чакрымнан артык метро линиясе эшли, тагын 80 чакрымга якын төзелеп килә. Киләчәктә ил гомуми озынлыгы 1,2 мең чакрым булган 22 линиядән торган челтәр төзергә планлаштыра.

Очрашуда шулай ук Казан муниципаль берәмлеге башлыгы урынбасарлары Евгения Лодвигова һәм Илдар Шакиров, «Казметрострой» акционерлык җәмгыяте генераль директоры Марат Рәхимов катнашты.

Белешмә өчен:

Чан Дык Тханг – Вьетнамның Авыл хуҗалыгы һәм әйләнә-тирә мохит министры, Вьетнам Коммунистлар партиясе Үзәк комитеты Сәясәт бюросы әгъзасы, Ханой Шәһәр партия комитеты сәркатибе, икътисад фәннәре докторы, сәяси икътисад магистры. Төрле елларда Финанс министрлыгында, Үзәк инспекция комиссиясендә һәм Вьетнам Хөкүмәтендә җитәкче вазифаларын биләгән. 2026 елдан Ханой партия комитетын җитәкли.

Исегезгә төшерәбез, бүген Казанда Россия – АСЕАН халыкара саммиты башлана һәм 19 июньгә кадәр дәвам итәчәк.