И.Метшин: «Иң көчле клуб җиңү яуласын, әмма бу клуб «Ак Барс» булсын!»
алга таба укырга-
И.Метшин башкаланы чәчәкләр белән бизәү хакында: «Әлеге гүзәллек шәһәребездә яхшылыктан һәм матурлыктан торган мохит булдыра»
-
Казанлылар «Безнең ишегалды» программасы турында: «Безнең барлык теләкләребез ишетелде»
-
И.Метшин: «Һәр ныклы бәхетле гаилә – бердәм гаилә булып яшәгән шәһәребезнең төп өлеше»
-
Илсур Метшин Восстание урамын төзекләндерү эшләрен тикшерде
-
И.Метшин: «Лидерлыкка омтылу һәм партнерларны хөрмәт итү каршылыклар тудырмый. Без бу төшенчәләрдә тотрыклы үсеш нигезен күрәбез»
-
«Хәтерлибез, хөрмәтлибез, рәхмәтлебез!»: «Үлемсез полк» бөтенхалык акциясендә 130 мең кеше катнашты
-
Меңьеллык мәйданында Казан гарнизоны гаскәрләренең тантаналы йөреше һәм хезмәт коллективларының парады узды
-
Рөстәм Миңнеханов һәм Илсур Метшин Җиңү паркында чәчәкләр салды
-
И.Метшин: «Без батыр җиңүчеләр буыны алдында түбәнчелек баш иябез»
-
И.Метшин: «Без Дәрвишләр бистәсендә яшәүчеләргә мөһим көнкүреш хезмәте комплексын кире кайтардык»
-
И.Метшин: «Дәрвишләр бистәсе өчен әлеге стадион – хоккей белән бәйле алтын тарих»
-
И.Метшин: «Хакимият буларак, җиңү белән кайткан сугышчылар үзләрен лаеклы хис итсен өчен без көчтән килгәннең барын да эшләргә тырышачакбыз»
И.Метшин башкаланы чәчәкләр белән бизәү хакында: «Әлеге гүзәллек шәһәребездә яхшылыктан һәм матурлыктан торган мохит булдыра»
Быел Казанда чәчәкләр белән бизәлгән мәйданнар саны узган ел белән чагыштырганда өч тапкырга артачак. Шәһәрнең 68 урамына кагылышлы 22 мең квадрат метрдан артык территориядә чәчәкләр утыртылачак. Күз явын алырдай төрле төсләрдәге матур чәчәкләрне төп магистральләрдә дә, башкалага керү юлларында да күреп булачак. Эшлекле дүшәмбе утырышында Казанның Тышкы төзекләндерү комитеты рәисе Альберт Шәйнуров чәчәкләр белән бизәү планнары турында хәбәр итте.
Бу елгы җәйдә шәһәрне 20 дән артык төрдәге үсентеләр: көмеш йөгерткән гөлләр (карабодай гөле), петунияләр, шулай ук Татарстан климатына җайлашкан дәлия һәм кашкарый чәчкәләре бизәячәк. Шунысын да әйтергә кирәк, әлеге үсентеләрнең барысы да Даурия урамында урнашкан «Горводзеленхоз» предприятиесенең яңа теплицаларында үстерелгән.
«Без чәчәкләр белән бизәләчәк мәйданнар саны артуына да, яңа теплицаларда яңа төр үсентеләр, чәчәкләр үстерелә алуына да чиксез шатбыз. Башкаланы чәчәкләр белән бизәү эшенә бизнес та килеп кушыла. Казанны яшәү өчен уңайлы, матур, төзекләндерелгән итеп күрү теләге белән янып яшәүче рестораннар, кафелар, кунакханәләр, офислар, бина милекчеләре бизәү эшенә акча бүлеп бирә. Боларның барысы да, әлбәттә, шәһәребездә яхшылыктан һәм матурлыктан торган мохит булдыра. Шуңа күрә мин дә рәхмәт сүзләренә кушылам», – дип билгеләп үтте шәһәр башлыгы Илсур Метшин.
Яшел үсентеләр өчен җаваплы эшчеләр башкала халкын, Казан кунакларын Вишневский урамында һәм Меңьеллык мәйданында яңа чәчәк түтәлләре белән шаккаттырмакчы була. Тагын бер күркәм күренеш: Оренбург тракты ягыннан шәһәргә керү юлында ике мең метр чакрымга сузылган киңлек петунияләр белән бизәләчәк. Әлеге җәйге композиция күпләрнең күңеленә хуш килер дип ышанабыз!
Шәһәрне вертикаль яшелләндерү төре белән дә тулыландырырга ниятлиләр: Кремль, Пушкин, Мөштәри, Альберт Камалиев һәм Павлюхин урамнарын да кертеп, үзәк 30 урам махсус савытларда үстерелгән ике меңнән артык чәчәк белән бизәләчәк. Башкала халкы әлеге киңлекләрдә үрелеп үсә торган якынча 30 мең петунияне күрә ала.
70 аерым фигурадан торган күләмле 20 композиция шулай ук башкалага җәй төсмерләре өстәргә тиеш. Казан чәчәкле арт-объектлар: «Барс», «Аккошлар», «Чәчәкле агач», шулай ук «Алиса могҗизалар илендә» кебек әкияти композицияләр һәм «ФИФА дивары», «Бутса», «Сызгыртма» сыман спорт символлары белән бизәләчәк.
Дизайн схемалар өчен «Горводзеленхоз» җаваплы һәм әлеге предприятие җәй дәвамында башкаладагы чәчәкләргә хезмәт күрсәтәчәк. Эшчеләр көз җиткәнче аларга су сибү, корыган чәчәкләр урынына башкаларын утырту эшләре белән шөгыльләнәчәк һәм тагы файдалы минераллар сибәчәк.