Илсур Метшин Казан шәһәр Думасының XIX сессиясендә бүләкләр тапшырды

(Казан шәһәре KZN.RU, 19 нчы декабрь, Диана Жиленкова). Татарстан башкаласы Мэры Илсур Метшин шәһәр үсешенә зур өлеш керткәне өчен активистларга дәүләт һәм шәһәр бүләкләре тапшырды. Котлау дүртенче чакырылыш Казан шәһәр Думасының XIX сессиясендә Ратушада узды.

Мәгариф өлкәсендәге хезмәтләре һәм күпьеллык намуслы хезмәте өчен «Солнце» махсуслаштырылган олимпиада-фәнни үзәге» урта гомуми белем бирү интернат-мәктәбе директоры Павел Шмаковка «Татарстан Республикасының атказанган укытучысы» дигән мактаулы исем бирелде.

Мобилизацияләнүчеләрнең гаиләләре һәм мохтаҗлар өчен гуманитар ярдәм җыюны оештыруга зур өлеш керткәне өчен Казанның Мактау грамоталарын «Нәфис Косметикс» АҖ генераль директоры Динә Лаврикова, «Плодоовощная база» җаваплылыгы чикләнгән җәмгыятен гамәлгә куючы Назыйм Маллаев һәм «Агава» ҖЧҖ президенты Владимир Малыгин алды.

Гуманитар ярдәм җыйган өчен Казан Мэрының Рәхмәт хатларын шәхси эшмәкәр Александр Дорофеев, «Рэди» ҖЧҖ директоры урынбасары Роберт Латыйпов һәм «Унистрой» ИК» АҖ генераль директоры, Казан шәһәр Думасы депутаты Радик Сәлимгәрәев алды.

Нәтиҗәле хезмәте һәм һөнәри эшчәнлектәге казанышлары өчен Казан Мэрының Рәхмәте «Водоканал» предприятиесенең авария-торгызу эшләре слесаре Ильяс Абдуллинга һәм Казан Башкарма комитетының Туризмны үстерү комитеты директоры, Казан шәһәр Думасы депутаты Дарья Санниковага белдерелде.

Шәһәрне төзекләндерүгә һәм яшелләндерүгә, торак-коммуналь хуҗалык тармагын үстерүгә керткән өлеше өчен «Горводзеленхоз» Трест» МУП питомнигы башлыгы Илфат Гыйльфанов ТР атказанган торак-коммуналь хуҗалыгы хезмәткәре мактаулы исемен алды.

ТР башкаласы файдасына башкарган күпьеллык нәтиҗәле хезмәте һәм һөнәри эшчәнлектәге казанышлары өчен ТР Президентының Рәхмәте Казанның Киров һәм Мәскәү районнары администрациясе башлыгының беренче урынбасары Илсур Хисмәтуллинга белдерелде. ТР сәламәтлек саклау министры урынбасары – ТР Сәламәтлек саклау министрлыгының Казан буенча Сәламәтлек саклау идарәсе башлыгы Владимир Жаворонков Казанның Мактау грамотасы белән бүләкләнде.

Шәһәрнең социаль объектларын реновацияләүгә зур өлеш керткәне өчен «Стройпрогресс» ҖЧҖ генераль директоры Альфред Хәйруллин Казанның Мактау грамотасы белән бүләкләнде. Шулай ук Казанның Мактау грамотасы белән шәһәр файдасына башкарган профессиональ эшчәнлеге һәм һөнәри эшчәнлектәге казанышлары өчен «Казэнерго» АҖ генераль директоры урынбасары Дамир Сәлахов бүләкләнде.

Илсур Метшин казанлыларны лаеклы бүләкләре белән котлады: «Чынлыкта, бу битараф булмаган казанлылар башкарган зур эшкә карата хөрмәтебезнең бер өлеше. Беренчедән, халкыбызның иминлеген кайгыртып, һәркем үз эшен башкара – бу сәнәгать предприятиеләре дә, бизнес та, социаль өлкә дә, төзекләндерү, медицина, мәгариф, мәдәният, спорт өлкәсен оештыру предприятиеләре дә, безнең хокук саклау органнары да. Бүген шулай ук авыр вакытларда үзләрен яңа яктан күрсәткән һәм мобилизацияләнгән кешеләргә, аларның гаиләләренә ярдәм иткән җитәкчеләргә рәхмәт әйтер өчен яхшы сәбәп».