И.Метшин: «Әлеге күркәм бәйрәм гомуми рухи идеаллар тирәсендә төрле буын һәм халыкларның берләшүенең мөһимлеген искә төшерә»

(Казан шәһәре KZN.RU, 4 нче ноябрь). Татарстан башкаласы Мэры Илсур Метшин православие динен тотучыларны Казан Мәрьям Ана иконасын данлау көне белән котлады.

«Кадерле шәһәр халкы! 

Сезне чын күңелдән Казан Мәрьям Ана иконасын данлау көне һәм Халыклар бердәмлеге көне белән котлыйм! 

Әлеге күркәм бәйрәм безгә төрле буыннар һәм халыкларның, тарихта булган тышкы һәм эчке проблемаларга карамастан, уртак рухи идеаллар, кыйммәтләр һәм традицияләр тирәсендә берләшүенең мөһимлеген искә төшерә. 

Казан Мәрьям Ана иконасы безнең шәһәр өчен генә түгел, бөтен ил тарихы өчен дә истәлекле образ булып тора: могҗизалы казаныш, ә аннан соң аның әһәмияте Фетнәле заман вакыйгаларында онытылмас эз калдырды, Казан исемен Ватан елъязмасына алтын хәрефләр белән язды.

Казан Мәрьям Ана иконасы образы, күп милләт вәкилләре кергән халык ополчениесенә фатиха биреп, илебезнең бердәмлек символы булды. 

Бу истәлекле көндә сезгә чын күңелдән ныклы сәламәтлек, бәхет, иминлек һәм бәрәкәт телим!»- диелә котлауда.