Илсур Метшин Казан халкын якты бәйрәм - Ханука белән котлады

(Казан шәһәре KZN.RU, 10-нчы декабрь). Казан Мэры Илсур Метшин Татарстан башкаласында яшәүчеләрне Ханука бәйрәме белән котлады.

«Хөрмәтле казанлылар!

Барлык яһүдләрне якты бәйрәм - Ханука белән чын күңелдән котлыйм!

Күп еллар элек булган могҗизаны хәтерләткән бу шатлыклы көннәр яһүд халкы өчен зур әһәмияткә ия, аларның тарихи хәтергә һәм борынгы бабалары традицияләренә сак карашта булуларын күрсәтә.

Изге бәйрәмдә йөрәкләрне игелек белән тулыландыручы һәм рухи үсеш юлында барырга омтылуны, тормышка яхшылык һәм яхтылык алып керүне, ниятләр һәм планнарның чисталыгын символлаштыручы ханука утлары кабыначак.

Ышанам ки, буыннан буынга тапшырыла торган гореф-гадәтләр һәрвакыт кешелеклелек һәм югары әхлакый идеаллар үрнәге булачак, Казанда милләтара һәм конфессияара диалогны саклап калуда һәм үстерүдә аерым роль уйнаячак.

Сезгә чын күңелдән нык сәламәтлек, бәхет, иминлек, татулык һәм үзара аңлашуны телим», - диелә котлауда.