Илсур Метшин 2018 елның октябрь-ноябрь нәтиҗәләре буенча Мэрларның Милли рейтингы лидеры булды

(Казан шәһәре KZN.RU 28-нче ноябрь). Казан Мэры Илсур Метшин 2018 елның октябрь-ноябрь нәтиҗәләре буенча Мэрларның Милли рейтингы лидеры булды. Ул Россиянең 88 шәһәреннән үзенең хезмәттәшләрен узып китте. Төбәкләр башкалалары һәм Россия Федерациясенең эре финанс-сәнәгать үзәкләре мэрлары эшчәнлеген бәяләүгә багышланган яңа тикшеренүне РФ Хөкүмәте каршындагы Финанс университеты белән берлектә "Рейтинг" мәгълүмати коммуникацияләр үзәге әзерләде.

Милли рейтинг нәтиҗәләре читтән торып үткәрелгән сораштыру, шулай ук экспертлар берлеге вәкилләренең читтән торып һәм очный сораштыру нигезендә алынган.

Илсур Метшинны Европа Советы комитетларының берсенең вице-рәисе итеп яңадан сайлауны аның халыкара казанышы буларак танылды. Моннан тыш, Казан Россия шәһәрләре халкының тормыш сыйфаты рейтингы лидерлары арасында булды. Бу чорның мөһим вакыйгалары арасында Казанда заманча экорайон булдыруга Халыкара конкурс үткәрелүен билгеләп үттеләр. Экспертлар билгеләп үткәнчә, ул бөтен илнең шәһәр тирәлеген үстерү өчен яңа югары стандарт бирергә тиеш.

Шәһәрнең медицина учреждениеләрен капиталь ремонтлау һәм җиһазлау, санкцияләнмәгән чүплекләргә каршы көрәш буенча масштаблы эшләре билгеләп үтелә (ГХФ мәгълүматлары буенча, Казан бу өлкәдә миллионлы шәһәрләр арасында лидер булып тора). Шулай итеп, ачыкланган 337 чүплекнең 290-ы кабат тикшерү вакытына бетерелгән.

Рейтингта икенче урынны Мәскәү мэры Сергей Собянин, өченче урынны Төмән башлыгы Руслан Кухарук алды. Беренче бишлектә шулай ук Ханты-Мансийск башлыгы Максим Ряшин һәм Санкт-Петербург губернаторы вазыйфаларын башкаручы Александр Беглов та бар.