Казан ратушасында шәһәр Думасының XXIII сессиясе үтә

(Казан шәһәре KZN.RU, 24-нче гыйнвар). Әлеге минутларда Казан ратушасында өченче чакырылыш Казан шәһәр Думасының XXIII сессиясе үтә. Утырышны Казан Мэры Илсур Метшин алып бара.

Сессия эшендә ТР Дәүләт Советының экология, табигатьтән файдалану, агросәнәгать һәм азык-төлек сәясәте комитеты рәисе Таһир Һадиев, ТР Президенты ярдәмчесе Наталия Фишман, ТР экология һәм табигать ресурслары министры Фәрит Габделганиев, ТР сәламәтлек министры Гадел Вафин, ТР төзелеш, архитектура һәм ТКХ министры урынбасары Владимир Кудряшев һ.б. катнаша.

Көн тәртибенә алты сорау куелган. Алар арасында:

1. Казанда Экология елын уздыру нәтиҗәләрен чыгару турында.

2. Казан районнарының участок сайлау комиссияләре составы резервына кандидатлар тәкъдим итү турында.

3. Казан шәһәр Думасының аерым караларына үзгәрешләр кертү турында.

4. Территориаль җәмәгать үзидарәләре чикләрен билгеләү турында.

5. Казанның Җирдән файдалану һәм төзелеш кагыйдәләренең шәһәр төзелеше регламентлары зоналары картасына үзгәрешләр кертү турында.

6. Төрлесе