Казанда яңа ел бәйрәмнәрендә ашыгыч медицина ярдәме күрсәтү бригадалары 80-гә кадәр артачак

(Казан шәһәре KZN.RU, 25-нче декабрь, Алсу Сафина). Бәйрәм көннәрендә ашыгыч медицина ярдәме күрсәтү шәһәр станциясендә күчмә бригадалар саны 80-гә кадәр арттырылачак. “Массалы бәйрәм чараларында медицина пунктлары һәм ашыгыч медицина ярдәме күрсәтү бригадалары беренче чиратта бәйрәм уздыру урыннарына чакырылулары оештырылачак”, - диде бүген эшлекле дүшәмбе барышында ТР Сәламәтлек саклау министрлыгының Казан шәһәре буенча сәламәтлек саклау идарәсе башлыгы Илнур Хәлфиев. Шулай ук, ул шәһәрнең дәвалау-профилактика учреждениеләренең бәйрәм вакытындагы эш тәртибен сөйләп узды.

Шул рәвешле, шәһәрнең станционарлары 1-нче гыйнвардан 8-нче гыйнварга кадәр тәүлек буе эшләячәк. Госпитализация авыруның төренә карап, территориаль принцип буенча башкарылачак.

Бала тудыру йортлары, шулай ук, тәүлек әйләнәсендә эш итәчәк. Вахитов, Совет һәм Идел буе районнарының хатын-кыз консультациясенең диспансер исәбендә торучы йөкле һәм бала табучы хатын-кызлар Толстой ур, 4 адресы буенча урнашкан медицина университеты клиникасының бала тудыру йортына госпитализацияләнәчәк, ә Киров, Мәскәү, Авиатөзелеш һәм Яңа Савин районнарының хатын-кыз консультациясенең диспансер исәбендә торучы йөкле һәм бала табучы хатын-кызлар – Чуйков ур., 54 адресы буенча урнашкан 7-нче номерлы шәһәр клиник хастаханәсенең балалар тудыру йортына.

1-нче гыйнвардан 8-нче гыйнварга кадәр олылар сырхауханәләре 9.00 сәгатьтән 17.00 сәгатькә кадәр түбәндәге график буенча эшләячәк:

- 1, 2, 4, 5, 7, 8 гыйнварда – дежур терапевтик бригадалар;

- 3 һәм 6 гыйнвадра – көчәйтелгән режимда терапевтик бригадалар, кыска профильле белгечләре, диагностика хезмәтләре (шул исәптән рентгенология бүлмәсе, лаборатория, ашыгыч хезмәт бүләмсе), көндезге эш тәртибе белән травматология пункты.

Хатын-кыз консультацияләре 3-нче һәм 6-нчы гыйнварда эшләячәк. Серов урамындагы периноталь диагностика үзәге 3-нче һәм 5-нче гыйнварда 8.00 сәгатьтән 19.00 сәгатькә кадәр, ә С.Хәким урамындагысы – 6-нчы гыйнварда 8.00 сәгатьтән 20.00 сәгатькә кадәр эшләячәк.

Балалар сырхауханәләре 2-нче, 4-нче һәм 6-нчы гыйнвар көннәрендә шимбә көннәре графигы буенча (9.00 сәгатьтән 17.00 сәгатькә кадәр, чакырулар 16.00 сәгатькә кадәр кабул ителә), 8-нче гыйнварда – якшәмбе көннәре графигы буенча (9.00 сәгатьтән 15.00 сәгатькә кадәр), 2-нче һәм 5-нче гыйнварларда – көчәйтелгән режимда: балаларны барлык педиатрлар, отоларинголог һәм хирург кабул итәчәк. Шулай ук, рентгенология бүлмәсе һәм лаборатория эшләячәк.

2-нче, 5-нче һәм 6-нчы гыйнварларда Заречье балалары өчен көндезге вакытта 9.00 сәгатьтән 17.00 сәгатькә кадәр 1-нче номерлы балалар шәһәр хастаханәсе каршындагы (Декабристлар ур., 125а) травмпункт эшләячәк, башка көннәрдә һәм төнге вакытта – 12-нче номерлы һәм 7-нче номерлы шәһәр хастаханәләренең травмпунктлары.

2-нче һәм 5-нче гыйнварда Вахитов, Идел буе һәм Совет районнарының балалары өчен көндезге вакытта 9.00 сәгатьтән 17.00 сәгатькә кадәр Бигичев ур., 20 адресы буенча урнашкан “Азино” сырхауханәсенең травмпункты эшләячәк, ә башка вакытларда – Республика клиник хастаханәсенең травмпункты.

“Моннан кала, балалы ата-аналар амбулатор ярдәм артыннан теләсә-нинди көнне тәүлек буе эшли торган балалар шәһәр стационарларының кабул итү бүлекләренә мөрәҗәгать итә ала”, - диде Сәламәтлек саклау идарәсе башлыгы.

Халыкка травматология ярдәме түбәндәгечә күрсәтеләчәк: амбулатор -  тәүлек буе эшли торган травмпунктларда, стационар – хастаханәләрнең травматология бүлекләрендә.

“Яңа ел каршында һәм Яңа елда да барлык кешеләргә дә нык сәламәтлек телибез. Шуңа да карамастан, барлык медицина учреждениеләре дә тулаем әзерлектә булырга тиеш”, - дип ассызыклады Казан Мэры Илсур Метшин.