И.Метшин: “Үзләренең фидакарь хезмәтләре белән казанлылар илебез үсешенә зур өлеш кертә”

 (Казан шәһәре KZN.RU, 12-нче июнь). Казан Мэры Илсур Метшин казанлыларны 12-нче июньдә билгеләп үтелә торган Россия көне белән тәбрикләде.

“Бүген без әһәмиятле дәүләт бәйрәмен – Россия көнен билгеләп үтәбез.

Россия – миллионлаган кешеләрне берләштерүче күпмилләтле зур дәүләт. Илебезнең мөстәкыйльлеге – аның гражданнарының зур хезмәте һәм сабырлыгы нәтиҗәсе. Нәкъ менә үзенең бердәм халкы ярдәмендә Россия сәяси һәм икътисади яктан бердәм дәүләткә әйләнә һәм халыкара аренада үзенең абруен ныгыта алды.

Үзләренең фидакарь хезмәтләре белән казанлылар һәм республика халкы илебез үсешенә зур өлеш кертеп килә.

Ихлас күңелдән сезне бәйрәм белән котлыйм! Ныклы сәламәтлек, бәхет, тынычлык һәм иминлек теләп калам!” – диелә мөрәҗәгатьтә.