Казанда беренче республикакүләм Белем көнен бәйрәм иттеләр Хәбәрләр

И.Метшин: «Безнең өчен «Яңа дулкын» бәйгесен уздыру ‒ ул зур җаваплылык таләп итә торган эш»

азанда Халыкара яшь башкаручылар бәйгесе башлана

Илсур Метшин илкүләм проектлар турында: «Безнең шәһәребезне үзгәртү – аны уңайлы итү, төзекләндерү мөмкинлегебез бар»
И.Метшин Кабан күле буенда төзекләндерү эшләрен тәмамлау турында: «Бу башкала халкының яратып йөри торган урыны булыр дип ышанам»
И.Метшин: «Без хәзер балаларыбызның нинди шәһәрдә яшәячәге хакында фикер алышабыз»
Илсур Метшин: «Бу җәядән ату һәм башка спорт төрләре белән шөгыльләнүчеләргә бик яхшы бүләк»
Төбәкара клиник-диагностика үзәге һәм 2 нче автотранспорт предприятиесе шәһәр үсешенә өлеш кертүе өчен Казанның Мактау китабына кертеләчәк
Башкала мәнфәгатьләре өчен янып яшәүче казанлылар ярдәме белән элеккеге чокыр урынында балалар мәйданчыгы төзелгән
Казанда «Халык инвентаризациясе» проекты дәвам итә
И.Метшин: «Башкалабызда һәр бишенче чыгарылыш сыйныф укучысы мәктәпне медаль белән тәмамлады»
Казан мэры: «Горурланырлык нигезебез бар: Бердәм дәүләт имтиханында 240 иң югары нәтиҗә теркәлгән»
И.Метшин: «Командабыз һәм шәхсән үз исемемнән һәлак булучыларның туганнарының, якыннарының тирән кайгысын уртаклашам»
И.Метшин: «Бу «Яшәү яме» проекты белән мөмкин кадәр күбрәк кешене таныштыру өчен менә дигән мөмкинлек»
Илсур Метшин: «Кешеләрне күбрәк кисәткән саен, киберҗинаятьчеләр тозагына эләгүчеләр азрак булачак»

(Казан шәһәре KZN.RU, 1-нче сентябрь, Альберт Мортазин). Татарстан башкаласында “Казан-Арена” стадионы каршындагы мәйданда зур концерт белән беренче республикакүләм Белем көнен бәйрәм иттеләр. Беренче курс студентлары өчен оештырылган бәйрәмдә ТР Президенты вазыйфаларын вакытлыча башкаручы Рөстәм Миңнеханов, Казан Мэры Илсур Метшин, ТР Премьер-министры урынбасары – мәгариф һәм фән министры Энгель Фәттахов, югары уку йортлары ректорлары катнашты.

Республика җитәкчесе беренче курска килүче студентларны сәламләде һәм яңа уку елы башлану белән котлады. “Сез бик тә бәхетле. Сез республиканың иң яхшы югары уку йортларында белем аласыз. Искиткеч шәһәрдә, республикабызның башкаласы – Казанда яшисез. Хәзер биредә күптөрле кызыклы вакыйгалар һәм фестивальләр үтә”, - диде ТР Президенты вазыйфаларын вакытлыча башкаручы. Р.Миңнеханов бүгенге көндә республикада яңа проектлар тормышка ашырылганлыгын билгеләп үтте: яңа үзенчәлекле икътисади зоналар барлыкка килә, нефть һәм нефть эшкәртә торган сәнәгатьләр, нефтехимия, машина төзелеше, социаль-мәдәни өлкә һәм башка өлкәләр үсеш кичерә. “Безгә һәрвакытта да квалификацияле белгечләр кирәк”, - диде республика җитәкчесе.

Югары уку йортлары ректорларын, шулай ук студентларны бергә җыя торган мондый республикакүләм Белем көнен ел саен уздырырга планлаштырганнарын җиткерде ул. “Чын күңелдән Белем көне белән тәбрик итәм, уңышлар телим сезгә!” – диде Рөстәм Миңнеханов.

Республика җитәкчесеннән тыш, беренче курс студентларын Татарстанның 16 алдынгы югары уку йортларының ректорлары да котлады. Укытучылар беренче курс студентлары өчен җыр башкардылар. Бәйрәм барышында тагы бер традиция – беренче курсларның ант итүләре башланып китте. Барлык беренче курс студентлары исеменнән сәхнәдә КФУның беренче курс студенты, физика буенча 100 балл җыйган, халыкара олимпиадалар җиңүчесе Әдилә Мосабирова ант сүзләрен яңгыратты.

Бәйрәмдә студентларны эчтәлекле концерт программасы көтә иде, аның барышында тамашачылар Казан һәм Татарстанның иң яхшы иҗат коллективлары һәм башкаручылары башкаруында вокал һәм хореографик номерларны күрә алдылар. Тамашачылар өчен Казанның танылган “Мураками” музыкаль төркеме чыгыш ясады, ул үзенең иң яхшы хитларын башкарды.